轉行？

兩個星期前，阿fun問：有個國際性選美要佢幫手，搵一個澳門小姐過去參加，budget有限，想我幫佢影張造型照寄比大會放網頁；
我：錢唔係問題呀，我無架撐，張相又咁重要，驚喎！（但其實我好恨影）
心諗：以前做美指跟影相，燈點放，放幾多盞就識，但真係用啦喎，盞燈點開都唔識喎。。。



結果，我嘗試搵攝影師朋友借器材，佢唔止肯借，仲教埋我點用，兼可以到場幫手set野，仲話一早覺得我可以入行；

話咁快就星期六，上晝攝影師先到中環holy brown影相兼拍片，人對我好，我對人好，我去義務幫手，原來最大幫忙係。。。食物一拎上嚟影兩張就變垃圾，食得就食左佢啦，結果係我好飽。。。。拍攝其間已經知佢套燈點用，下晝就到影靚女啦!


本來攝影師叫我操刀，佢後面執生，但諗過，為澳門小姐前途著想，佢做主，我做副，佢先影到“中”嘅相，先到我上場，咁樣會安全D。。。。。

太緊張，阿女亦太green，自覺表現麻麻；但番嚟睇番D相，又OK喎！下次可以膽粗粗自己嚟；係時候添枝燈啦!


諗番起，其實畢業後第一份工係見攝影助理嘅，但無請；如果做左，條路會唔會唔同哂呢？



阿女參選詳情請留意隔離選美台(即係阿fun個blog)