Saturday, September 18, 2010

免費戲

我鍾意抽獎鍾意睇免費戲可能已經係人都知,所以朋友,blog友有飛都會預埋我,講下呢排睇左乜?

星期四晚,龍鳳店首映;多謝馬田生叫埋我睇,同幾個後生仔食飯,我由大叔升級變大伯,多謝哂。。。現場見到任賢齊向生JJ狄易達阿叻醜DJ BOB同一班dididada模,唔知有無人認錯我都係星呢?

因為多模,現場多左一班攞住相機嘅宅男,真係額頭"jot"左個宅字咁,見到呢班等模男,真係聞者傷心,見者流尿;

講番套戲,任賢齊大S羅家瑛阿叻,其他主要角色全部交比內地演員;笑料真係非常港式,非常密集但略嫌舊;但我笑得幾開心;

睇完後C癮大發:睇戲好開心,多謝馬田亨


上星期五睇左﹣ 殺手靚太唔易做 優先場;成套戲同之前湯告老師嘅有八成似,但果套勁好多,呢套呢,兩個主角又後生好多;但個故仔好犯駁喎;最大開心位係有Tom Selleck ,80's Magnum果位



星期日,朋友抽到霍金唔知咩嘅,去太空館睇,以為去佢個天幕展覽廳睇,點知原來去個細廳仔;入場有枝太空人筆送;本來前面留哂位比傳媒,最後0出席,慘!
原來只有25分鐘精華片段,但都悶到打喊露;講嘅野軍曹都有講啦!
睇完仲要訪問下D博士,悶出煙,見有人走,即刻跟隊


8 意見:

卡臣 said...

港產片陸續有翻拍
remake成風

naruto said...

卡臣:
拍倩女幽裙啦,徐美琪自資演出

l.minor said...

原來有套龍鳳店,你唔講真係唔知...

套殺手好似唔係咁吸引,我講兩位主角...

之太空人筆我好似唔知係邊度見過,好唔掂,不過可能唔係同一枝

naruto said...

殺手兩個主角。。。我情願要呢兩個多D

太空人筆,無論點揸,都係銀手架

supageti said...

即係你流尿啦 ...

naruto said...

supageti:
我流嘅係馬尿only

unknown said...

又唔好噤講,幾時係大伯呢,係大哥哥先真
不過火影大哥真人同我想像中好唔同,有趣有趣,可惜我太緊張,下次有機會再同你好好冷靜噤食飯先~~~

naruto said...

馬田亨:
不過火影大哥真人同我想像中好唔同。。。。係呀,真人靚仔好多架真係

Related Posts Plugin for WordPress, Blogger...