但係，當年影相係用菲林架，未有photoshop，無得執相；托住腳架相機鏡頭十幾磅去到海港城；夜景想影得靚，當年係咁教嘅，先喺黃昏影一張爆光不足嘅相，等天黑齊，用同一格菲林，再長時間爆多一次光，咁個天就會有少少色，而又有燈光啦，但結果。。。
兩星期內去左四次，一次中途落雨，一次影定黃昏果張，我喺度呆等嘅時侯，比個細佬踢到腳架郁左位，一次爆光過哂火， 一次週日去，大廈少左好多燈，結果只可以用張純夜晚爆光嘅
前排，專登去番同一個位置影同一樣嘅相，當然，而家用數碼相機簡單得多；
睇下張相，就知香港廿年嚟變化有幾大；以前，康幾大廈，交易廣場，滙豐係巨無覇，廿年後，變左矮仔；
再萵廿年，維港會唔會直頭無左呢？又或者有條行人天橋行得過去呢？
睇真D，香港夜景，真係一流呀!
.JPG)
16 意見:
廿年前的山頂景色真是無敵，現在建了很多高廈真係會失色左，ifc係地標但又很礙眼！無論舊或新香港夜景真的太漂亮了。
嘩，影左廿幾年相？？
係呀，香港夜景好靚，燈光璀璨。
聶秀康:
影相嚟講我覺得而家靚D嘅；但其實太密啦
Maisy：
當然初學啫，跟住都停左一排
廿幾年啦?
好唏噓呀我~~
無言輕倚窗邊遙望雨勢急也亂
似個瘋漢...
卡臣：
望著海一片，我懷念，懷念往～年
D相好鬼專業﹐香港無敵夜景之名當之無愧。 :o)
我覺得香港夜景係全世界至靚既 ~~~ :)
best actor:
專乜鬼吖！而家D機一襟就有，無技巧嘅
香港無敵夜景。。。真係無敵，但影果日熱到溶
supageti：
香港就係靚在咁，又比環保組織話浪費能源啦
無技巧唔緊要，但唔可以無靈感及構圖。你三樣都有，所以值得讚! :)
廿年? em....你講真? 你真係有打羊胎素?定食咗邊隻防腐劑?
最近手癢,買咗本攝影雜誌(DC Photo)黎睇,入邊有篇講有個攝影師影咗一d香港同一個地方十年前後嘅相,好似199x影一張,200x又影一張,再張兩張相compare番,見到香港真係變咗好多,變得最小應該係維園附近的相...
無言輕倚窗邊遙望雨勢急也亂
似個瘋漢...--> 我諗起盧海鵬呀...
大叔, 你d相好得 :)
估唔到當我一歲果陣,,
維港係咁嘅樣,,
而家嘅香港夜景，d燈稍為密咗d，雖然都靚。
香港嘅光害真係好嚴重。
樓宇高度同密度都好可怕。
你睇！仲高過座山！
P.S. 順手補番尋日嘅留言
你張「逃‧大雨」好靚，下次可唔可以影多張「國‧擅離」呀？
「國‧擅離」--> 樓上高手呀~ 勁!
星若：
仲有吉士㖭
l.minor：
防腐劑。。。今年老左好多，追貼左
呢個廿年主題，係仲有一集架，估下影邊度？
ayclui：
係呀？我覺得有D技窮
「放空」少年：
er, 其實呢。。。。。張相係廿”多“年前影，你係未出世
black lab：
東京最高係邊座建築物？有幾高？
「逃‧大雨」「國‧擅離」，我的確諗緊點將D藝人名變做相片，睇下成唔成功先
ayclui：
我都比個勁
點表達 "國.擅離" 呢 ?? @_@
Post a Comment