搭車去到中環，落狗屎，無帶遮；沿住天橋去到IFC，hea一輪，望佢停雨，點知，閃埋電㖭！諗住影下閃電相，開機佢又唔閃，一關機即閃，吹啤；博佢係過雲雨，跑去碼頭上船；船上，坐後面嘅一班自稱加拿大番嚟嘅叔叔嬸嬸傾計嘈到拆天，想暈
出碼頭，雨細左，即去搵坪洲大熱嘅蝦多士，個個話好味架，但係。。。
入面大部份係薯蓉嚟架喎，好少蝦咋喎，網上話佢唔用雪蝦，係就係，但係我食得出D蝦死左好耐喎；最叻係佢唔肥lum lum囉
係咪我嘅問題呢？
跟住行上手指山，見天陰陰，專吼D雨點嚟影啦!呢個時侯，前面出現一隊大家庭，有件阿伯同阿嬸講野大聲到烏鴉都嚇死，貓兒都嚇死；更不幸嘅係，船上加拿大幫竟然喺後面出現，OMG；我情願放慢腳步比佢地過，我唔要surround sound呀!
上到山頂，以為去左街市，影左一陣，諗住避佢地，由第二條路落山啦，落左廿零級樓梯，聽到大聲公竟然話走啦，仲要係行緊我後面㖭；而加拿大幫亦跟住一齊喎；我。。。。即刻上番山頂再影過，山頂得番幾個正常人，靜哂；呢個時候，奇蹟嚟啦。。。(準備比趣啦）
太陽慢慢射穿一層層嘅厚雲，出現耶穌光，咁耐以嚟我係未影過耶穌光架，狂影。呢張，撞到有鷹飛過，我至愛～
左邊，我落左漸變藍filter，右邊，漸變橙filter,經過filter濾光，再耶穌D呀!
跟住落山；呢三張，用左相機日落嘅button，幾好（日落牆頭草）
（日落碼頭）
（日落單車）
最靚邊張呢？我就幾滿意啦!
.JPG)
17 意見:
耶穌光好靚，漸藍漸橙都靚，有無企上石躉上影呀？
你有咁多部機既？影埋塊filter添。
Banner 咁長嘅。
正呀！不過行哂雷你都咁勇殺入去？重要上山頂，好危險喎！
我反而最鍾意你張”藉著雨點逃大雨”！！！耶穌光同剪影兩張都鍾意！
蝦多士咁差？上次我食真係唔錯架喎！
大叔, 今次個版面靚仔哂, 比98分你~
蝦多士呢, 我食果陣都係咁上下...我記得個老闆女話因為"亞so效應"之後, 佢爸爸做到手都勞損哂...又唔好意思要d客山長水遠入到去無得食...
所以呢...d老闆其實唔鍾意亞so 攪佢地, 費事因為d虛火得失哂d長期客喎...
日落碼頭<---至有韻味,讚
Maisy:
石躉。。。企上條柱上要影耶穌光，係咪你講嘅石躉？
Tee：
急救中，每次一轉版面，都有D野亂左
l.minor：
食完蝦多已經停雨兼天開始光，所以先上去啫
逃大雨我都鍾意，唔係點會排第一張出場呢？呵呵
（IFC行天橋去碼頭，落電梯前嘅玻璃天花嚟架）
蝦多士。。。我對蝦嘅新鮮度好敏感，真係麻麻咋
ayclui：
上次劣評如潮，咪又改下囉！有你讚下，都好：）
無可厚非，去一個旅遊路線有景總要有美食，阿so又好，雜誌都好，梗係搵樣特別D嘅吸引你，講真，賣相靚，格局又夠風味，有齊大賣條件，佢其實可以做好D
卡臣：
果張全靠相機嘅function,現場睇其實無乜feel，哈哈
好靚呀啲相 ~~~ :)
應該入黎大埔嘛，果日一滴雨都無，曬到變蕉 ~~~~
supageti :
大埔如果我影相，你有邊樹推介呢？
耶穌光好正!
有無相影似乎係視乎影果個喎 ~~~ :p
最近我睇到網友影泰亨村荷花超靚，不過唔知開完未 ~~~
phyllis:
多謝：）
supageti：
有無相影似乎係視乎影果個喎。。。有時乜都無，真係神仙難變
想唔讚都唔得，d相勁靚呀！
我响日本都影過耶穌光，等我摷番張相出來先~
maymay：
等你
Banner好靚喎~
最尾嗰張單車同日落,
都好like呀~
下次我去釣魚,買蝦時,搵你幫手"索"下d蝦新唔新鮮呀!
隻字體叫咩名...好正
Billy:
M 和古圓體T U
l.minor:
釣魚D蝦，你賣釣魚舖游水嘅定街市死果D先？
Post a Comment