輪到我啦。。。大戶屋

之前見咁多人推介，星期六晚銅鑼灣睇完燈，決定食佢一野。。。

點左薯仔沙律／漢堡扒／炸雞飯＋喬麥麵

薯仔沙律。。。滿分，薯仔混左蘿蔔絲增加口感，點睛地方係加左好細條嘅生洋蔥，再加埋黑醋沙律汁，正

漢堡扒。。。好得，凍蘿蔔蓉配多肉汁嘅扒，減咗肥膩，但用凍嘅蘿蔔蓉令塊扒變凍速度加快，要扣Ｄ分啦！配菜全部好味到震

炸雞飯。。。雞好味但，略肥膩大量幼絲椰菜又係減炸物嘅油膩，椰菜超新鮮又帶甜，連飯都好食過人

喬麥麵。。。麵質唔錯，但個湯汁用左柴魚，唔啱我胃口



我會再嚟架！

某人話佢幫趁時有大聲港女，今次都有喎！唔通佢地無走過？

另外，請睇箭咀呢家人。。。


話說我搭lift時，去到二樓魚一丁，有人出lift，關門時，呢個女人喺魚一丁閃出嚟好似想入，我同佢議上架喎；
同門關緊，見佢好cool咁行入嚟，幫佢㩒返開架lift啦，原來一家三口，但佢無講唔該甚至乎唔講野亦無任何表示，我以為係遊客唔識聽啦！
到大戶屋啦，我地出佢又出，跟住坐左喺附近，佢開speaker講電話，仲係問Ｄ銀行野，係講廣東話架；

原來只係上幾代嘅港女，佢老公成餐飯都無出過聲，呢家咩野人嚟架？