2/睇報紙上水因為有人投訴木棉樹嘅棉絮飛揚滋擾，區議會跟進，康民署就剪哂D花，民建聯仲掛banner話成功爭取㖭。。。
越嚟越嚴重，連花都唔放過，而家D人咩野標準呀？地球唔係剩係你住架，仲要有人肯跟仲覺得做得啱要曬野出banner果下好野喎
3/前排睇報紙標題寫。。。有居民瞓街抗議起“屏風樓”，點知睇埋內文，發展商只係起多一棟，而示威果班住緊嘅咪就又係擋住人嘅屏風樓，唔係話發展商啱，但係話人起屏風樓就係混淆視聽，其實只係怕人擋左你個景，影響你個價
4/我老家喺高街，大門口旁種左棵老樹；阿媽話樓下果家人曾經投訴棵樹生高左擋左佢個景，無幾耐棵樹就慢慢枯死，阿媽覺得係有人落左藥；我有晚同棵樹講，邊個害你你就去搵佢啦～
5/呢單係講愛心無限唔自私嘅師奶。。。
去後山山坡影貓，見到有師奶帶備報紙舖哂喺地，上面放上新鮮魚飯，貓貓自動波埋嚟開餐，食完師奶執哂D報紙，清理乾淨至離開；D貓貓肥肥白白，花紋都靚D架真係。
而家D人真係越嚟越過火，諗野剩係從自己利益角度諗，一棵樹一朵花都容不下，自私精
最新update：搵到民建聯個低能友張相﹣廖超華。。。真好樣～
預告：聽日交四月功課
.JPG)
29 意見:
2) 我好鍾意呢種樹，呢排出街四處都見到，重想寫一篇講吓原來香港的春天可以好靚，點知果頭就比人剪晒啲花，好鬼無良呀！另，我聽新聞好似話叫“紅綿”嘅？（嘻嘻，我唔識分紅綿同木綿樹呀！）
係呀~香港大把自私友,不過算啦~理唔得佢地咁多,攪到自己谷氣就唔好
To SKII:
香港春天真係唔錯,木綿花/洋紫荊/羊蹄甲開得非常靚,我其實好想提議政府係周圍種多d呢d樹,講真,我覺得佢地開花靚嘅程度時唔會輸俾櫻花
D人小小唔滿意都投訴，政府又走去照跟，浪費哂D公帑去摘果。荒唔係政府收到議員投訴就騰哂雞咩。D流浪貓呀，只要有一個市民唔鍾意，走去投訴，政府又派人(不問情由地)去捉0架嘞。
睇完頭四段，有點火
睇到第五段，舒服返少少
好彩你識排位
如果調轉仲火呀
啲人仲話要環保喎,
連少少棉絮和遮住少少景都唔接受,
學你話齋,
個地球唔係人類用哂架,
真係不知所謂呀!
唉﹐點解呢D人會o甘自私呢﹖費煞思量。木棉又稱英雄樹﹐或者呢個時代英雄都無用武之地。
尋日都同朋友講起木棉樹呢單野，我話啲鳥仔夠痾到成地屎喇，不如都叫啲區議員殺晒佢地！
SKII :
紅棉同木綿應該一樣喎我估
l.minor：
谷氣都無用啦
羊蹄甲少葉果隻，其實種滿一條路，真係似櫻花架，但香港種樹，每樣種D，唔夠靚囉
JC：
果度D貓已經捉過架啦，剪左耳，不過乜都有人投訴架啦
卡臣：
一陣去飲比涼茶下下火
新鮮人：
有病
best actor：
地球要報復都係遲早嘅事
largeheadboy：
我想投訴區議員掛得太多banner，阻街
睇到剪花單新聞真係火都黎！！！
maymay：
係咪可以一人一信投訴個區議員架？
Norman 都可能想彈起身 ~~~
大家真係要好好利用自己手上既選票呀 ~~~
I.minor：我都覺得好多花開花靚嘅程度唔會輸俾櫻花，但香港政府唔識好好規劃同統籌，淨係種埋啲齋得葉又核核突突既樹，唔知係咪為左出數種到密質質，細果時梗無問題啦，到大左就嫌佢阻定亂咁鋸，一草一木都係生命黎嫁，香港人又唔識尊重欣賞珍惜，可悲 ~~~
supageti:
Norpat都激到彈起呀
點彈呀？你示範下 ~~~
俾你兩個笑C~~~
講番正經野先：
梗係可以投訴啦，離晒譜，佢應該向公眾道謙，然後自動消失呀~~
naruto & supageti:
係呀!如果香港政府種樹規劃好d,等我地d市民可以星期六日去睇花,幾好呀!唔係淨係識得整人工化嘅野先得架!
上兩星期d洋紫荊/羊蹄甲開到鬼火咁靚,但奇怪係呢度兩棵,跟住就俾d綠色機圍住哂,幾咁樣衰,重要呢度,果度兩棵,如果佢種到成個公園都係,d人見到都開心d啦~
我打錯字：係道"歉"至真
maymay:
我搵到佢張相呀，一副好“聰明”嘅樣
l.minor：
咪就係囉，每度種兩棵，紅綿以前種落，反而有D成條街都係
這篇好有同感, 樹都係有生命的, 人很自私, 好討厭。
但尾段師奶餵貓又有手尾很讚。
木綿樹, 我讀果間小學係操場都有種,好靚~ 一開始有花同果實,就知道快要考試! :(
我上個月去長洲都見D羊蹄甲好靚.如果有多幾棵,成個景就靚好多,好過係維園整乜鬼野花展呀.. 人工到爆!
瘋膏：
香港D樹得閒就比人鋸左D手手腳腳，做樹都唔好做香港嘅樹呀
TY：
原來大家都咁諗，係咪要搵區議員幫下手呢？
我想棒打摧花者咯！
係囉! 呢一兩年都係選舉年,都應該有一兩個區議員會幫下手既... 不過D區議員咁既質素... 會唔會弄巧反拙呢.. 大家諗過啦!
laulong:
大力D唔該
TY：
區議員既質素。。。都做唔到野嘅，自己做好過
想投訴區議員掛得太多banner? 大叔算把啦~
我試過寫信去油尖旺區議會投訴果條陳X強喪掛banner (半個街口有8條,3 條重複), 結果第一封回信話會跟, 之後再follow就石沈大海啦~
D 人去搶鮑魚/元貝真係好不知所謂, 慌死無得食咁...乜都搶餐死.
naruto，我上網 search 過，本綿應該就係“紅綿”，我唔識分因為細個時聽過羅文首歌，「紅綿盛放，天氣暖洋洋...」，佢應該係就個 melody 改成紅綿，instead of 唱木綿（我都係估）。
minor，我都係咁話，將木紅種在一起，應該好壯觀。我一次都未去過維園的花展，因為過份人工化，又迫人，冇興趣。
Naruto,我搵到呢段片,個c奶話呢個低能議員最叻就係成功爭取,笑死我
http://www.youtube.com/watch?v=_yu5Ejao37Q&feature=share
Ayclui:
去萍果投訴會唔會好d呢？
SkII:
將同類嘅樹種滿一條街，壯觀好多架
瑤姑：
未番屋企睇唔到，遲d去睇
Post a Comment