塔門。。。牛出沒注意

去塔門，有幾個目的，其中一樣係睇牛。。。

哇!佢地可以通山跑，呢個大草坡簡直係佢地嘅餐廳啦，仲要對住個無敵大海景，爽呀!
塔門亦都係露營嘅好地方，夜晚仲可以觀星，我都想試一次喎～


呢隻係第一隻見到嘅牛，見佢喺度散步，諗住跟住影，但發覺佢個肚超巨，估佢可能大肚呀，有BB嘅牛唔敢攪，影左幾張走人


山坡見到幾隻，掛住食；博哂矇走埋去係咁影


越影越大胆，仲叫佢望鏡頭兼擺個chok樣，終於影到張滿意嘅


有牛自然就有牛屎，真係好多好多呀；露營有佢地陪住都無咁寂寞啦（我講牛咋）；成日聽阿媽講我D表舅父細路時不知幾百厭，將D炮仗放喺牛屎度爆，爆時會彈到好遠，走避不及就會變周紳士。。。睇嚟到而家都仲有人咁玩喎



同場加影，呢隻公雞好大隻，唔驚人，仲好靚㖭



去塔門探下呢班塔門大使啦!


未完