鳴門日記

噚日鼻水不停，臨瞓前沖個滾水涼，蓋番張厚被一覺瞓到大天光

9:45am - 比電話嘈醒，原來係個客打嚟追報紙稿，吓！九點九架啦？鼻水收哂，乾埋，變哂鼻Ｃ

12:30pm - 阿媽同舅母嚟我屋企坐，一齊食飯，舅母帶來兩種月餅，正！食飯時知道表弟生性做左總測量師，開心！



2:00pm - 攞隻拍去穿，其實心郁郁想買新拍，睇中隻$280或$340嘅ＹＹ，點知老闆攞我隻舊拍揮兩野，話我隻拍唔差，叫我穿線喎！吓！$80攪掂，叫我遲Ｄ返嚟攞！

4:00pm - 工作完成七七八八，蛇王出去，去邊？先去柴灣再去鰂魚涌，做乜？又抽到獎囉，去攞囉！

6:30pm - 番返嚟西環，攞返隻羽毛球拍；咦！螢光喎！殺呀！


7:00pm - 開信箱，咦！又有戲飛番喎！正！

9:00pm - 收到客嘅mail,乖乖地做埋份野

11:40pm - 唔係吖！諗住一粒鐘攪掂，結果做左兩粒幾，得廿分鐘寫blog咋！

今晚要早瞓，聽朝七點卜場，各位早抖！