靠"運"過活可行嗎？

話說細個睇過一篇報章報導，話美國有個人唔返工，日日靠參加抽獎買彩票過活，最後發埋達；秘訣就係乜都參加。當時都有諗係唔係得架呢！

又話說，小弟自小已經係個邪人，麻雀呀十三張呀可以連揸幾舖奇牌，試過玩到斷咗Ｄ啤牌腳，因為十三張五舖入面報到左三舖加一舖四條，朋友發哂脾氣唔玩呀！

抽獎呢，第一份工（細公司）聖誕大獎我抽到，但係只係沐浴禮包，到大公司都抽到相機呀，禮券咁囉；總之細獎有份，大獎無緣！

當然有勁好時亦有勁衰。有時黑仔到投哂降。。。

啱啱過左嘅八月份，決定試下Ｄ運究竟可唔可以當飯食，玩抽獎，玩網上遊戲，有Ｄ要寄信及回郵信封，投資左$42買郵票及信封，回報有幾多？

機票呀酒店呀電腦呀，全部無份，但都中左幾野。。。

6/ 掌之貼。。。寄回郵信封就攞到，唔駛抽


5/ 呢個唔知算唔算抽獎（ＯＫ便利店紙巾coupon)，竟然有一半都抽到$1同＄２，總共6張


4/機器俠首映戲飛兩張（新假期），其他戲全部抽唔到


3/ 最surprise係last得耐。。。Neutrogena全效美白面膜組合，佢話值$229喎，但要去柴灣攞，車錢都蝕呀！（新假期網上遊戲）

2/ DOVE三樽(U magazine網上遊戲）
要去北角攞,竟然見到有人抽到四次，即係十二樽，十二樽喎。。。要嚟洗邊度好呢？


1/惠康$100禮卷（蘋果日報網上遊戲）
灣仔攞，幾就腳


剩係超市禮券都回本有突，正

全部係八月上旬嘅回報，下半個月未公報，會唔會仲有呢？