一週大事回顧...又嚟啦

星期六，陽光燦爛，相約朋友踏單車，沙田踏去大埔,再回頭返沙田，途經一艘小食船，yummy.


星期一晚，手痕，自己煮嘢食。。。日式㗎喱煙脊肉磨菇通粉

食完飯，打去1666查詢月結單細項，發現原來比人搵咗苯幾個月都唔知，而對方機械人式嘅對答令我喺收線後嬲到流鼻血，我大大話話廿幾年無流過鼻血，1666。。。你好嘢！

星期二為Family Day,點知阿媽感冒，唔煮飯，亦怕傳染我地，取消聚餐，唯有食自己，睇下有咩材料先，原來得噚日剩番半份嘅煙脊肉同磨菇，清咗佢，今日煮。。。煙脊肉炒雜菜公仔麵，真係一鷄兩味。


星期三喺人地公司幫手朝十晚十，做到十吓十吓。

星期四，朋友六個星期前託我救救佢盆半謝嘅盆栽，搶救後今日發現有花蕾，send 張相比佢開心吓。


1666又話兩日覆我，三日都唔覆，打比佢又話放咗假，你好嘢！

星期五，1666事件解決，比咗個平package 我兼上個月月費八折，算數啦！
今日一嘢食咗兩個開心樂園餐，keroro小隊齊齊整整嚟哂我屋企。

kururu走去探鄰居


Tamama大戰哥斯拉


Keroro(s)吊臘鴨變咗聖誕吊飾


Giroro 同 Dororo充當禁煙大使


夜晚黃金保齡夜,打出142及161,收貨。最開心金城武上身打中一個Bye Bye Split,興奮。


完