曾經寫過，話而家D食客去快餐店如大家樂等多多要求。。。
以前真係水都無杯，唔知幾時開始，你問佢佢會有杯水比你。。。
咁有人要熱水，話開奶喎；有人嫌水凍要暖水；又有人要凍水比舊冰吖唔該；原來可以要茶架你又知唔知？
前排朋友去食大家樂，前面阿叔買外賣，佢話：熱檸水走水；走甜走奶就聽得多，走水就真係有創意喎；
解釋﹣。。。佢唔想飲野，但怕蝕底，攞幾片檸檬攞隻杯都好
解釋二。。。佢番去自己加水，唔使浸住D檸檬，驚浸得耐有陣澀味
解釋三。。。拎杯水都嫌重
解釋四。。。屋企有類似鑽石健康水之類嘅濾水器，一定要飲屋企D水，出面D水。。。唔飲
做服務性項業真係好攰，對住咁多奇怪要求個腦轉慢D都實比人鬧，加埋D客越嚟越大枝野，堅係超辛苦呀～
Thursday, November 10, 2011
.JPG)
18 意見:
啲紙杯浸得耐會放pea變形，阿叔有歷練
走檸吖唔該！
阿伯要嘅其實係檸片杯。
走水...指「走水貨」,阿伯跟員工的暗語
真係時代不同了，想當年仲係小朋友，同阿媽去大家樂，問佢攞杯水，佢淨係比滾水，阿媽問可唔可以比凍水或者比少少冰，因為比小朋友飲，但員工話公司規定只可比滾水，阿媽話可能佢驚有客自備檸檬變凍檸水
!?:
拎過海咩？點會去到變形呀？
Leo:
咩野係檸片杯？
卡臣：
有道理，真係可能係暗語
Kenneth6433：
咁自備檸檬都可以變熱檸水喎。。。試下先，呵呵
今日中港碼頭大廈food court午飯:
"阿姐, 杯咖啡好濃啊, 唔該加d奶丫"
阿姐望吓, 冇乜表示.
"真係好濃啊!"
"有冇加糖呀? 自己加多d糖啦."
"我係要奶呀."
"濃? 唔濃, 係咁架喇."
"唔係. 太濃喇, 真係飲唔到."
"飲唔到? 咖啡係咁架喎. 咁都飲唔到, 就唔好飲咖啡啦."
"我而家係要加d奶啫, 你加俾我就得喇, 唔駛講咁多嘢."
檸茶走水真係幾有創意,
不過都唔算特別麻煩,
做服務性行業,
以客為先,
咁嘅要求可以接受啦!
可能佢想飲檸樂，又唔想俾多d錢，所以叫熱檸水走水，自己拎咗罐可樂黎。
舞了:
咁呢個寸D
新鮮人：
可接受，仲慳番D水㖭
l.minor：
你好聰明呀
個阿伯係唔係一路叫緊熱檸水走水果時，一路扭緊屎忽花？
Ebenezer said...
熱檸水走"水果"，即係檸檬都無埋
ps:點解要扭屎忽花？
同紅豆冰走紅豆差唔多啦。
我去開果間 100 分, 你買熱飲攞多杯冰都得呀 ~~~
HIM：
即係凍奶水
阿粉：
佢怕左你啦
今日喺大x活食叉飯, 可能喺最低工資下, 樓面人手都少埋, 要燒味亞叔幫埋手. 佢幫完手又去番砧板幫斬氼燒, 我見佢冇戴番手套就切, 佢遞碗飯過來, 我問阿姐乜你哋唔用手套切嘢架咩? 阿姐先至叫阿叔換番.
而家街市d老/燒味檔都用手套切嘢啦, 做咩大x活咁落後架. 管理差d喎
舞了：
我成日覺得佢地攞飲筒攞你啜果個位好唔衛生
檸檬片加隻杯咪檸片杯囉！
Leo:
唉～～
Post a Comment