流水響。。。乾塘

流水響水塘，兩年前嚟過，影樹林倒影，好靚


上星期六重臨舊地，O哂嘴,原來個水塘乾剩一忽咋～



化身記者報導下先。。。我身處嘅呢個位置，原本係水塘嚟架，而家乾到見底兼生埋草，呢個水塘D水其實係供應邊區架呢？就嚟要制水架啦喎！


又帶大家睇下discovery青勞，呢D係乜呢？


係青蛙蛋呀，再無水睇怕佢地都捱唔住呀，得番一個腳印嘅水咋；之後兩日都有D雨，應該都解到燃眉之急嘅～


仲有好多呢種長臂青蝦仔，顏色好靚～


咁一場嚟到，都行過圈啦，見有家樂徑就行啦，點知又唔知行左去邊啦，見到呢條橋，以為去左洪武三十二D佈景；呢樹好多蚊


仲影到超袖珍草蜢仔


用長鏡隊埋去，sharp到毛都數到呀


沿路舖哂花，好長嘅花路


咦！地下塊枯葉識郁嘅？


原來係隻蛾呀


天越嚟越陰越行越快，亂行一餐兼沿路都無人撞到問路下，一小時後，去左一處叫九龍坑村嘅地方，搭綠van轉火車走人