噪音

約一年前開始屋企日日都聽到小孩大嗌同阿媽超大聲鬧仔等嘅噪音，每次維持唔耐，朝8至晚11都會隔一個鐘就一定出現一次。。。

一路唔知聲音從邊個單位發出，直到一次個阿媽又鬧仔，獅吼話要殺左個細路我先至出手落樓下護衛提出。。。

護衛後來講，原來呢家人正正住喺我樓下，而佢個細路頭腦有Ｄ問題，咁我當時都問：咁佢阿媽呢？佢仲大聲喎！

政府廣告話："有樣學樣，一家人嘛"，呢次又真係無講錯，佢地一家四口，連個未識護野嘅BB喊都可以大聲到你瞓著佢都喊醒你

每個長假期都可以有幾日寧靜，我成日估佢地應該返左鄉下囉！

今日，突然覺得已經靜左好多日，落樓時順便問護衛，護衛話佢１７號搬走左啦，佢話原來樓下幾個單位都投訴佢，遠至35樓都投訴（佢32樓），佢搬左好多人包括佢都鬆哂！

我問：夜間護衛曾話我知個細路有Ｄ問題，其實係邊隻問題？佢好認真話：佢兩個細路有係嗰隻（指指個頭），但係佢覺得成家都有問題！

佢搬左，靜哂；不過我都就搬。。。