長野私の遊 ~ 第八彈 番香港啦

第五日 東京

今日無plan，決定是旦去一個車站，睇下有乜睇，今日少相，先派出快獸介紹東橫早餐


睇下邊個地鐵名吸引先，咦！呢個字點讀架？讀番定播架？令我諗起香港某個八婆，咁就呢個啦！
點知真係完全無野睇，得兩件Ｃ拉傾計都睇左一陣


跟住又關我事，本來諗住去新宿或涉谷，點知我入錯閘，去左秋葉原
等車見有檔牛奶專賣店，買枝特濃嚟飲，好味呀，我又飛天啦！


大大話話都有十年無嚟過秋葉原，好熱鬧呀！仲買到好多野㖭！咦！咁多人派野比我嘅？
全部都係Ｄ cosplay cafe，你唔係當我電車吖，我橫睇掂睇頂龍都係架ＪＲ啦
睇下印刷品入面Ｄ女侍應質素，點幫趁呀！


呢個就唔同呢！派上得意熊仔餅，妹妹乖


食lunch，見到門口Ｄ相，想食意粉又想食咖哩飯，呢間可以解決兩個願望。。。點知
坐低左先知張相原來唔係咖哩飯，而係牛肉飯，照食啦！加一百yen可有一隻蝦，再加一百yen又有碟蛋包飯，答案竟然係出奇地好食，但飽到食唔哂


等野食期間好得閒，扮ogaxx先，佢個blog幾個月都唔update，就執咁


最後搭地鐵轉ＪＲ，預左超多時間由酒店出發，但自己突然神經病發，睇錯站以為搭錯車，突然拉喼落左車，而團友落唔切兼唔知發生咩野事，結果佢喺下個站等番我，自製緊張位，最後都趕得切班ＪＲ，今日已經擺左兩次烏龍啦！
用口袋Ｄ散銀買左雪糕，結束今次東京長野遊



全程 完