長野私の遊 ~ 第七彈! 食番夠本

第四日 湯田中涉溫泉


一早起身浸溫泉，食完早餐跟住check out，再由酒店車我地去巴士站；咦！司機，咁面善嘅？原來又係櫃面嘅叔叔，呢度Ｄ人全部都係一腳踢。
出發，巴士站有大太陽，但又有超細嘅雨粉；巴士去到山腰，竟出現大彩虹，好靚，呢個行程真係乜都有，搭左廿分鐘，到左馬騮溫泉入口，需要行廿分鐘；上左山，開始天陰兼刮風，好凍！


沿途條路比較濕，全程都係森林，好多樹東Ｙ西倒；maymay.....你又話條路好靚嘅？
去到最尾，見到泉眼，Ｄ水同蒸氣射到幾層樓高，仲有琉黃味㖭！


呢張相係咪呃得下以為好靚呢，行左廿分鐘，到啦！


一入場，就見到馬騮，梗係影影影啦！得兩隻肯浸溫泉，仲要係工作人員掉食物落水引佢地浸
我發現原來真係每隻都唔同樣兼勁多表情架


睇完，搭巴士返火車站去下一站啦；本來應該去長野，但兩條茂利決定補去小布施，雖然買定左長野去東京ＪＲ，但我地決定博一博，希望到時比換飛，最壞打算係等價交換，同玩少Ｄ東京囉！
題外話，個草餅真係好得


小布施比我第一個感覺係。。。點解咁好陽光都刮風架！知唔知人地好凍架！
仲有，有好多花樹，好多色好靚
好有歐洲小鎮feel，好悠閑，連路都係用栗子木鋪嘅！


嚟小布施目的係為左佢。。。栗強飯，呢度係一個粟子城，乜都關栗子事；
飯入面嘅栗子好甜，配埋醃豆同青菜，好清但好得，十個讚
可能噚日無好野食，今日發力，再隊粟子雪糕，香滑嘅雪糕內藏栗子粒，正！
現場仲試左佢地嘅果占同車厘子，其實真係好好味，但唔想拎，最後無買，而家有Ｄ後悔！


無驚無險，唔駛補錢，咁就番左東京，番東橫check-in，出動去食呀食呀！
第一站，睇阿fun個blog，想食Dolce Mari Risa好耐，但上網一check，佢兩年前介紹嘅南青山店已經無左，我地改去表參道店
我嗌左濃朱古力，團友嗌士多啤利，我本身唔好蛋糕，但係一食落口，即刻出現味吉陽一嘅場面：好好味呀！飛上天呀！最後連錫紙Ｄcream都食光；多謝阿fun，果然係食家


跟住再去池袋，食三年豬，全店全豬餐，店賣嘅都係來自日本嘅一級豬，裝飾兩隻紙燈籠豬好可愛；我揀左沖繩豬鍋，豬壽司，蒸雜菜黑豬

全部都好得，壽司最特別，見厨師喺厨房用火槍先燒熟豬片，再配上飯及醬料，推介！有Ｄ難搵！要地址問我，



食完番歸ＬU

第四日 完