長野私の遊 ~ 第六彈! 奇蹟降臨

仲係第三日 湯田中涉溫泉


上回講到，上左火車去小布施，咁點解主題會係‘湯田中’呢？
well，因為我唔識落車，以為未到，站名又係日文，一大意就。。。
團友提議搭番回頭車，攞哂袋，落車前一刻我又stop佢，因諗起班次其實好疏，驚落左會嘥好多時間，最後直接到我地今日落腳嘅地方。。。湯田中涉溫泉
行十分鐘去到酒店，門都未開，人又無，過隔離姐妹酒店問，佢話要兩點至有人同check in，而家至1:15pm，決定改行程，去左聽日嘅馬騮溫泉先，去到巴士站又發覺馬騮溫泉巴士已開，要等45分鐘；而去涉溫泉架車又開埋，我地決定用腳行去涉溫泉
dup dup吓，結果check埋in至行


越行越多櫻花碎，跟住見到有個牌話係和平觀音公園，團友順口噏話上去睇囉！咁就見到奇蹟啦！
一行上去已經有櫻花雨，好靚，越行越多櫻花，仲要係盛放中，上到和平觀音，真頭開心到嗌出嚟！但係第一件諗起即做嘅係扮Ｘ粉，先影張“奇蹟在身邊“


背住觀音，望住個景係點，就係咁。。。成個山頭都係櫻花樹呀！
之前左計右計，去雲上殿都睇唔到，而家因為無落車加走哂Ｄ巴士反而撞正，勁好運呀！


狂影下有幾張幾鍾意


好似一塊花布，比兩匹我吖


現場好大風，呢張影左好耐至捉到


櫻花樹下的快獸


行去涉溫泉，主要為咗呢度.....金具屋；建於1758 年。
豬與朱朋，呀！唔係，係千與千尋嘅油屋聽聞就係參考呢度。
原來好細間，有D失望


揾野食，由涉溫泉行番去湯田中，沿途竟然無嘢食，餐廳下晝全面休息，兩條茂利餓到腳軟，走入唯一嘅超市買杯麵，見有咖喱包，決定為呢餐增值，買埋卷蛋同天婦羅，飲北海道十勝奶，正


浸完溫泉，又去食晚飯，唔想熱氣又唔係太餓，最後揀呢問cafe，諗住食意粉;
點知入面一個客都無，menu無意粉，只有炒飯(cha han)同cheese cake，問阿姐咩野叫cha han，佢話 ─ meat，再問:no fish？ 佢話no fish，咁我揀炒飯+cheese cake，佢有碗湯送，竟然係麵豉湯，但竟然落洋葱，果然係西餐，炒飯爛溶溶，邊有肉呀！得青豆，粟米粒咋喎，真係好唔掂，cheese cake就okay嘅!
但見阿姐一腳踢店面，厨房，洗碗，侍應都係佢，仲要好好笑容，只係覺得成晚一個客都無，你點為生架？
其實成個溫泉區都好靜，回酒店途中撞到嘅人一隻手都數哂！
食完走去火車站旁浸吓腳，見smap有廣告，影...點知阿剪草就喺呢晚比人拉Ｑ咗!


雖然仲好早，但無野做，提早瞓lu

第三日 完