澳門廢噏篇之內地遊客搭船

今次去澳門，揀左喺尖沙咀上船；原來尖咀同上環上船嘅分別係，內地遊客嘅比例係去到九成架。。。


全船滿座，船開啦，廣播有野講（國粵語）：（大概）開船啦，大家請坐低，以免危險。。。但，班友仲乜呢，仲企哂喺度嘅


呢隻船彌漫住街市嘅氣氛，嘈到吖；船頭開始成為佢地嘅佔領地；而同時廣播繼續：為大家安全，請坐低；咦！班人大聲過你喎，無人理喎


20分鐘後，突然有幾個大浪，拋左兩野，廣播傳嚟：海面比較大浪，船會搖盪，請大家番回座位之類（呢張相咪就係廣播中影架囉）


再20分鐘後


又再20分鐘後，到碼頭啦；咦，終於肯離開船頭啦。。。。


原來。。。佢地已經爭落船啦，但其實仲未到喎，見到咋喎；此時，廣播傳嚟：船未停定，請勿離開座位之類；但睇下，企喺度係多過坐喺度架


唔怪得之每次港澳船有乜碰撞，會咁多人受傷啦；我咁樣算唔算洩露國家機密架？