寧靜漁村﹣三門仔／陰陽路﹣馬屎洲

大埔墟搭20K小巴或者巴士74K（下晝無車），可以直接嚟到三門仔，小巴最方便，總站落車就到


三門仔係漁港，有海鮮酒家，但海鮮唔係我杯茶喎；咁就食茶餜啦$10有3個，當日有限定版嘅沙葛茶餜，係嬸嬸整嚟自己食，做多左拎嚟賣，好好食，嬸嬸聽到好開心


漁港就梗係影下船啦，但一近海邊，海嘯D船亂撞嘅畫面就出哂嚟，個人有D阹


可以參觀漁民生活文他展覽廳，睇下以前漁民嘅生活


左／居民幾有創意，喺樓梯加左數字，樓梯即刻生動左；中／又識彈琴又識踩單車，動靜皆宜；右／海底有隻沉船。。。不安感又番嚟


船都自己做，勁呀


捕魚嘅魚網，平時少見，狂影佢


經三門仔可以去到馬屎洲，大概行半個鐘，睇書張相係咁嘅。。。


三門仔一上山，就見到左右都係山墳，以為開頭係咁啫，點知半個鐘路程山墳無間斷，地下仲有大量溪錢，山頭又因為D人拜山燒到焦哂，上圖書入面嘅相根本影唔到，因為下圖（3）我企喺度影嘅位置，其實我已經企喺山墳隔離，心入面仲要同佢地講唔好意思，唔該借借。。。
再講埋下圖嘅（2），係比人放骨灰嘅墳場，唉!咩野國家公園嚟架？D墳好多都係新嘅，係咪覇地架？有無人管架？我決定send個mail去國家公園網頁問下。。。


落到位置(1)時，即係條沙洲路，本來平靜嘅海面突然大浪，係好大浪，聲都好大，嚇左一野，急行


1/沙洲，原來全部係貝殼組成
2/把鬼嘅國家公園
3/第一次見咁多野菠蘿
4/5/呢處最大特色，其實係睇千年石頭
6/勸大家唔使嚟


行原路番三門仔，個friend話果條陰陽路嚟架，咁鬼恐佈。。。（行完大家先敢講咋）
食D野定驚先，呢檔超懷舊呀，牛腩麵，义燒麵油菜都好食，每碗$16，發哥都嚟食


建議大家去三門仔，馬屎洲可免則免