水都無杯嘅椰林閣

我鍾意食港式西餐，可以坐得舒服D，又可以鋸下扒食意粉焗飯之類果隻。。。

間中都有去椰林閣，最近就幫趁左兩次


一次尖沙咀食lunch，見佢張餐檯紙咁寫，以珍惜食水為前題，唔比水？我覺得係想洗少隻杯啫，都係慳水嘅，茶餐廳都話吖，但係話晒都係連鎖式餐廳，咁嘅服務就真係差D；人地南亞餐廳係識得問你要水定熱茶架，咁先係服務嘛，加好多分架；



我嗌D餐（牛嚟嘅），嚟錯左A餐(魚嚟架），跟住等好耐都無得食，催催佢，竟然嚟個E餐，唔想再等，照食(雞嚟嘅）

慳杯水，又亂Q龍，咪就係勁扣你分囉，哼!
﹣﹣﹣﹣﹣﹣﹣﹣﹣
點知，隔一個星期，去大圍搵野食，又入左去(証明我幾無記性），見到張餐紙，個無水提示越印越大喎，但今次佢又主動提供暖水喎，但。。。好水喉水囉，你慳番佢好過啦，點飲呀!


再細心D睇，叫套餐薯菜就唔使加錢，飯或意粉要加$8，真係搶咩？博你睇唔到呀真係，咁做生意點得架？