而今次去大埔汀角，特別多第一次。。。
1/大圍出發，食緊大家樂嘅時候，見到窗外有兩隻好巨型嘅雀，好近個窗，好靚；除左去動物園，我第一次見咁大隻咁靚嘅野生雀囉，仲要咁近人，喺市區喎
2/搭巴士去到汀角，行小徑出紅樹林，見到民居有隻灰貓，舉機之際，見佢後面有隻大陸龜，都係新奇體驗
3/牽牛花就見得多，但呢隻有花邊嘅你又見過未？
4/沙灘佈滿海草，數量之多已經罕見，但呢種小型海螺，多到每行一步都踩到，點都過萬隻，又會唔會令你打個突呢？
5/剩係知道橋咀島有菠蘿包化石，原來丁角都有，仲有兩件係四方架㖭
6/除左去海洋公園，除左乾貨，我第一次喺沙灘(仲要係香港）見到海星，數量仲要係多多多㖭，正～
7/離遠見到一pat鮮橙色，引我埋去睇，究竟係乜嚟架呢？有無人話比我知呢？似係一隻無縠鮑魚，橙色嘅係佢嘅蛋？
8/呢種係第二種水草，似個波又似豬腦，成個海都係，係咪有D F檔案feel先？
9/搵路行番出去，出口竟然係草莓場，好多一家大細嚟玩，自己摘，摘幾多買幾多。。。都係第一次去草莓場，但係我齋影相無幫趁
10/隔離係菜田，當日有油麥菜賣，$12斤，即買班馬姐即割，當晚即食，好脆好新鮮好好味呀～～開心真係好簡單
點去丁角。。。大埔墟火車站搭75K巴士，丁角站落車
太多相，未完
.JPG)
29 意見:
都好郊外feel，不過有點遠。新鮮蔬菜，正呀，點解唔摘埋士多啤梨呢？
隻灰貓個樣...好怪呀
估唔到唔駛潛水都可以見到海星，不過就似乎污糟咗少少。
隻雀真係幾靚喎，尤其是條尾。
草莓場唔幫都入得㗎咩?
sorry, 係"幫襯"
丁角唔係有三點水嘅咩？
好靚呀！香港仲有咁方便就去到嘅大自然地方！
牽牛花哩，係未開花仲係花蕾嘅時候用較剪剪定架喇，即係好似嗰啲剪紙，咁佢一開花就變咗咁架喇~
汀角海灘果度唔知係咪龍尾灘,想去要快,因為好似又俾地產商睇中,會起樓(不過唔知起唔起得成)
去一日有咁多野睇,賺咗呀!
Maisy:
士多啤利。。。之前聽朋友講，佢喺元朗摘過，樣就靚但唔夠甜，所以無摘
卡臣：
我嗌佢：devil cat
black lab：
唔污糟喎，沙嚟咋
呢處你會唔會想嚟呢？
JC：
草莓場自出自入，無人理
largeheadboy：
係咩？有三點水咩？問下意粉先。。。
朵牽牛花剪嘅？真嘅我好失望喎
l.minor：
仲有野睇呀，未完架，賺突
果頭就黎整人做沙灘，大自然景色隨時消聲匿跡，要欣賞就快手 ~~~
supageti:
本來都係沙灘，做乜要整人做沙灘？
大叔, 睇完呢篇開心咗少少...
隻雀好靚, 我覺得朵牽牛花似係未開花前比虫咬囉, 大自然真係好奇妙.
士多啤梨多數唔甜, 就算好香果d都係唔甜...
睇完都想今個星期六去一次~
ayclui:
心情唔靚咁喎，有時間去行下啦，見到海星包你開心到呱呱叫
汀角...通常都去左大尾篤果邊燒野食, 好少行黎呢邊!!
你唔影都唔知，原來香港靚得咁交關：）
你D相影得好正^^
TY：
我都係第一次嚟
Ebenezer：
其實香港D景唔差架
Bittermelon：
多謝多謝：）
大開眼界，呢篇我俾十個like~^^
隻雀好靚，我就係鍾意大圍多樹木(雖然依家少左好多)，朝朝五點左右就有雀仔叫架喇~
8~水草好似雲耳，唔知係咪呢？
大頭仔講嘅野你都信，傻架~@@
人做沙灘即係愉景灣呀黃金海岸呀可以畀人游水果種 ~~ :(
今次大頭無老作，汀角至係。
maymay：
五點左右就有雀仔叫架喇。。。。仲使瞓嘅？
雲耳唔係菇類嚟架咩？點會喺海架？
supageti：
咁個紅樹林點呀？剷左佢呀？
汀角。。。已上網查，改番啦
邊有人咁得閒去剪啲牽牛花吖~
largeheadboy：
經你咁講，我有興趣喎，幾art呀真係
詳情我又唔多清楚呀 ~~ 上政府網部查下啦 ~~~
不過如果夠膽剷紅樹林好多人包括我會同佢死過 !!!
supageti:
同佢死過。。。好緊張呀～
到時嗌埋你呀吓 ~~~ :p
supageti：
仲緊張多D
有人講我知我上鏡了。哈哈。
下年再來買菜啦。
班馬姐字。 （剛剛路過此blog）
班馬姐：
真係班馬姐？好開心呀，歡迎光臨
我會再嚟幫趁架
Post a Comment