池鷺搵食連環圖

早前去中大影相，見到隻池鷺（橙圈），對住個湖搵緊食，即刻舉機睇下影唔影到佢嘅捕魚英姿


點知一舉機佢就走；喂，咪走啦，死跟。。。。


仲去行人路㖭，過馬路喎，對腳著左黃色legging好靚仔呀


見佢行入草堆，正想放棄。。。


佢又行番轉頭，咩野吸引佢？見唔見佢前要有隻野飛下飛下呀？


連環鏡頭下，影到佢一野“及”埋去蜻蜓度，好準


咬住唔放，隻蜻蜓無得走啦


吞埋


原來池鷺唔係剩係食魚架，蜻蜓都唔放過

完