澳門威尼斯人包食包住免費兩天遊﹣3

第二朝，繼續陰天；噚日去氹仔見到呢間榮記，今日決定過去食早餐；我以為係豆腐做嘅麵食，原來只係豆腐＋麵，我決定食個豆腐花，真係好味喎（但service好差）


行個圈就到左自助餐時間啦；間餐廳超大間，好多野食，但質素一般咋!原價$198一位，當然我地又係免費嘅。。。。但食完後，朋友去左幾次厠所，我無事，最可疑都係我無掂嘅魚生海鮮啦～～（唉!5星喎）


跟住喺酒店行左好耐搵咀香園攞果盒免費杏仁餅，真係行到腳軟，有D蝕。。。
再去埋紅魔鬼玩佢個game，我呢個最怕足球嘅都幾高分喎


check out,去新口岸嘅澳術博物館，今日嘅展覽係版畫


下一站﹣澳門科學館，今日最主要都係嚟呢度啦，貝聿銘嘅設計，好有高達基地feel，我鍾意，可惜係當日休館，只可以入去麥當勞hea下咋


一路沿路行，都見到觀音像，由遠至近影左一輯以觀音做主題嘅相；但觀音底坐朵蓮花失修，甩油嚴重


再向前行，嚟到MGM，即係美高梅。。。借厠所；靚過威尼斯人多多聲，葡萄牙車站設計嘅花園，有天然光，有真雀喺度唱歌，雖然都有人食煙，但無煙味兼有陣香味㖭，抽風做得好好呀，不過當然，佢無咁多大陸遊客又係真嘅；我仲同兩個𡃁模影寫真㖭～


另外，沿路都見到澳門塔，以佢做主題影左一輯相，算係較滿意嘅幾張啦


最後，想食餐好D嘅，點知搵極搵唔到，攪到唔夠時間，陰差陽錯，去左一間之前做野時食過嘅，食個快嘅算，點知，咸到食左幾啖就放棄，跟住就趕船啦；事後諗番起，老闆可能想同我地防輻射呀，hehe


遊記完