星期一晚放番三隻貓回原居地，一開籠，佢地就標左出去，一隻向上標，一隻向前標，一隻向下標，都驚佢地會驚到蕩失路
星期二去探佢地，連埋貓媽同黑仔，5隻野齊哂兼全部肯食野，其中一隻仲已經埋嚟“戀”腳㖭，即係無嬲我啦：）
餵貓阿姐知我去照顧呢竇貓，猛咁送佢D乾糧比我，話竉物店知佢餵街貓，大特價將即將過期嘅貓糧賣比佢，成箱都係數十元喎，叫我唔使嘥錢買
另外，有朋友買左一大堆罐頭，佢隻貓本來鍾意食，而家唔肯食，話送哂比我喎，有十幾罐喎；後面包乾糧食左一半就唔吼啦，比埋我喎
今日過開九龍，去收貨，發現原來citysuper買架，細細罐都$13.5呀，仲要有成33罐㖭呀，好重呀～
所以話呢，貓同人一樣，有好野食都唔滿足，我餵果D貓，開罐兩三蚊嘅惠康牌已經發哂癲係咁食；原來香港除左有公主病嘅港女港童外，原來仲有港貓呀～喵
一個屋企無養貓嘅人，貓糧竟然霸哂個厨櫃
黑仔，貓媽，聽日有好野食呀，citysuper架，呵呵呵～希望唔會食完貴野唔肯食番惠康牌啦～喵
.JPG)
22 意見:
愛心流到出哂嚟
真係好多有心人呀
眼濕濕添~
哇 $13.50一小罐...好貴呀! 貴過我個早餐呀!!!
我等緊你寫 13.5 一罐的食評。哈
港貓... 嘿嘿, 個稱呼好抵死。 喵~
街貓平貴糧都食, 唔使擔心。
加油呀, 愛心naruto ^_^
哈哈~
見你講港貓,非常認同呀!
我有朋友因為養咗兩隻貓嘅關係,所以要請菲傭返屋企
但係d貓糧係過期，得唔得架？
P.S. 我答咗你尋日嗰句「第21話...」嘅意思，你去睇番尋日個post,pls.
肯定會
卡臣:
係呀，將呢份愛心傳出去，希望大家對身邊人同動物都好D啦
largeheadboy：
眼濕濕。。。。你？我唔信囉
TY：
堅係貴野囉，我食礶頭都無咁貴
Karvitz：
你都儍嘅，我連開礶都要閉氣呀
瘋膏：
真係人都癲嘛，“蹤”都佢地公主病
l.minor：
果種真係做貓好過做人
black lab:
係就過期啫，仲有一至兩個月架
阿粉：
我會溝開比佢地囉，兼我信佢地唔會，佢地始終係唔夠食物，唔食無得食
大叔做咗"喵喵食物銀行",
加油~
佢哋依家好幸福~
睇完,好開心~
:)
邪留丸~:
佢地真係幸福架，背山面海，環境一流
大叔: 好開心你對貓貓咁好~
btw, d 貴o野係比老貓食嘅, 你要將佢溝埋其他貓糧先比佢地食食好d~
大叔你係咪要日日餵貓o架? 一日餵幾多次呢? 同埋如果你去旅行佢地點算?
Sardine, Prawn, Salmon, Tuna…..好多款式喎, 好開心呀…..貓貓!!
ayclui：
係呀，知係老貓嘅礶頭，會溝架啦
我一星期去到四至五日啦，其實佢地上晝會有阿叔嘅魚飯食，但唔夠咁解啫；去少一日佢地會無咁飽囉～
星若：
係呀，海鮮大雜燴架
真係愛貓之人！
你張相隻乾糧依家買一送一, 如果你真係打算餵落去, 終須都要買架喎.
其實阿妹都係名副其實既港貓.
"港貓"~~係WOR!! 哈哈哈! XD
我爸爸隻貓除左食野掩尖﹐仲好冇禮貌態度好差又會駁嘴架!
唔夠鬆脆既貓餅會由隻碟WEAR曬出地下跟住嬲爆爆走左...
繼續十卜! 佢地遇到你可以做幸福的港貓, 不用做可憐的街貓
laulong:
你都係一個惜花人吖～
Artman：
都唔會係而家囉，無位啦
阿妹。。。我有話你“蹤”佢架喎
Lazy Smurfette：
所以呢，人同貓一樣，得寸進尺，身在福中不知福
phyllis：
佢地無得做港貓架啦，有餐溫飽已經好
貓貓一家康復得咁快真係好。多得你的照顧啦。
其實街貓自由自在,可以周圍去,佢地有佢地的開心。
不過只係擔心佢地冇嘢食,同埋遇上D壞人。有次見到個小學生嚇隻貓貓,即刻鬧佢,要教佢唔好咁。當然好多小朋友其實都係冇惡意的。
meow:
小朋友你去教佢，我驚佢阿媽鬧番你轉頭呀
Post a Comment