樓下開左小甜谷

同一個星期，相隔一條街，兩間甜品店一齊開，小甜谷開正樓下對面，傳媒又勁煲，就試呢間先

呢間叫“西環“小甜谷，開頭裝修掛招牌，仲諗會唔會係冒牌，見佢掛哂明星相，應該係正牌啦啩！裝修企理，應該投資唔少，厨房四個樓面三個伙記，雖然夜晚見佢都幾多人，但條數點計呀？當$8000一個，人工都佔$56000，平均$25一個甜品，都要賣2240碗，計埋租同成本，每日賣150碗至唔駛蝕。。。


計下食物，店長推介，餐牌都無嘅紅豆紫芋西米奶凍，紅豆得幾粒，咁孤寒嘅，西米幾特別，爽架，奶凍perfect，整體都幾得，多三倍紅豆，我比你滿分！

招牌貨之一﹣薑汁潡蛋，奶味重蓋過淡淡薑味，但個蛋真係又滑又香


呢間晚晚滿，隔離冷清清，真係開不逢時

唉！附近咁多好野食，想唔肥都難！