已經完全適應新居生活，決定養番魚；阿媽聽到我話準備養魚，即刻叫我攞番走我搬離天水圍時交托比佢嘅幾條魚毛；原來呢個只係佢嘅第一步，跟住有朝，佢連魚缸都送埋嚟，話係屋企多出嚟嘅，咦！個缸幾靚喎！跟住噚晚我番去攞魚，老豆同佢夾手夾腳將佢自己繁殖出嚟嘅幾竇魚入哂落樽比哂我，話我以前鍾意養呢種魚，幫佢地養，等佢養少缸。（佢地仲有四缸）
佢地叫“moon"，尾巴有黑點就叫米奇，熱帶魚，好粗生，呢度至少都四十條，數唔到啦！身長由1cm至5cm，暫時就好靚，再大就唔夠地方啦！
下面三條粉紅斑馬同一條黑燈係天水圍原居民，之前有六條斑馬，而家死剩三條咋！WELCOME BACK AH,四位
阿媽仲送粒黃金螺㖭，食青苔喎！我見佢喺度食紅蟲囉！
同Ｘ粉面對同一問題，有幾條魚仔細細，但個肚已經pump漲左，隔開養，希望開枝散葉啦！其中一條襯我落街食午飯竟然跳左落地，好彩番得嚟快，唔係就一屍十幾命啦！而家搵本書蓋住，無得跳！
完
.JPG)
8 意見:
我決定順其自然，煮到黎就食，哈哈！
紅斑馬係咪即係紅衫魚？養大d咪可以食囉~^^
スパゲティ：
舊屋窗台大，養幾缸都得，呢度無呀，要度下計先得
maymay：
唔係架，已經係最大條啦，白飯魚煎蛋咩？
你的家人養咁多, 好pro咁, 仲會繁殖, 勁!
大叔~
你啲魚魚有咁多~
不如攞去賣囉~
呵呵呵~
瘋go:
係呀！自懂性屋企都有魚，最多曾經有七缸
邪留丸~：
唔值錢架，呢隻勁易養，不停生，好有滿足感架
咁你咪係金魚叔叔, 呵呵呵...
Sun Sun：
都算係架
Post a Comment