老豆偏心

老豆偏心細佬就係人都知，不過我都慣啦！

咁有Ｄ野又真係唔抵幫嘅，身為潮州人，佢至愛海產，偏偏我聞見大閘蟹就要入房鎖門兼噴野！
佢愛足球籃球，我細個陪佢落場至叻避波，有波嚟即閃；
我廿歲左右佢諗住親子，見我打網球同保齡佢又嚟打，點知即刻扭親手，唉！
佢最怕食飯時候講屎尿屁，咁我已經好叻咁完全唔提呢三個字都表達到，幾咁乖巧！
例：我今朝一起身就Ｘ左三次，好水潤，似咖喱！...see，完全無犯規架！

。。。。。。。。。。。。

上星期call哂全家去新居附近食泰菜兼帶家姐細佬睇下新居，啱啱食完細佬UP左句菲律賓話叫我地估咩解，我聽過梗知啦。。。（你個隔肋底好臭）
老豆笑到格格聲，細佬老婆問阿老豆點解細佬食飯講Ｄ咁嘅野就無事，阿哥就比人鬧，我答咀：係呀係呀；
老豆話細佬夾啱時間食完至講，唔似我食緊嚟講喎！越講越火,又累我比人鬧，激氣！

家姐食飯講古天樂廣告，明明借D意講粗口，佢又讚家姐國語發音準，激氣呀！
...........

呢篇幾多字呀真係

完