近個半月,去左三次海洋公園同一次廸士尼(贏返嚟,免費),玩完發覺,原來兩個樂園D機動遊戲掂左好多喎
每個人嘅接受能力唔同,我最怕就係洗衣機果類,fing到你反胃;最愛就係離心力;海洋公園嘅跳樓機,大家都知,無料到,唔驚嘅。。。
![](https://blogger.googleusercontent.com/img/b/R29vZ2xl/AVvXsEjLO131UwCbGjuQdXB7Zp4SG1S_aotBfQGzLPPiQmgXz8tyT3gVWri9EXDzidJIYYEUOWTubhriSGNJ64isZ5Phia22oLVO7ye4zhX0bw_bo1N3BbtmDPDaAHZb8L6aOcEdQqDDqk-0dyY/s640/aDSCF0011.jpg)
但動感快車好掂喎,呢架過山車,範圍大,斜坡多
![](https://blogger.googleusercontent.com/img/b/R29vZ2xl/AVvXsEg3Ow7Org8LBgU6lxudaloeilPCZugJIozNkz01qfQzfoI3S24g4OYFqAnPWVAOvizZZQT72Cm6npCnwyF5Q4yn2hfqM4vPZ8yyhTe43GpXlTYIT-9jfAzw_WvqAscPRwJ8bCn3kfnL8VQ/s640/aDSCF7881.jpg)
一定有大迴旋啦,但最勁嘅係速度,你玩完佢玩隔離另外一架過山車,簡直變左小學雞
![](https://blogger.googleusercontent.com/img/b/R29vZ2xl/AVvXsEhAJx2e06sTW8SM9EPqZOrI52Uigx2B78ru-g5uz6Qdzh4dy0kCH0II7yCaKMFBuR0y_KBty3QpWJ2Rqi10AF6-N9tn_4L5gdolz-jIGh8-LevHR2C1RGAGpRwqUUbfqxg7DhL5kRePd04/s640/aDSCF7910.jpg)
但我都唔係乜都敢玩,呢架,我嚟三次都唔敢挑戰
![](https://blogger.googleusercontent.com/img/b/R29vZ2xl/AVvXsEgYfqpOZFTZxnvx7jI0ZKCLLz8T8QEPOXuFzPLHkQGOwSDx8VJsQm8fvoInc2rnFRfrY6LxENYzgpehDXA4TD1TpwS5EdU6Ns__PWSRMxR-z5V5ZBRYRpnT1SAZxdbzqEHI7o8YS4zrfOw/s640/aDSCF1108.jpg)
到廸士尼,對上一次嚟係開張,而家擴建左,推介灰熊山莊,佢係一架過山車,呢,廣告會倒後果架呀~
原來OK喎,夠快,離心力夠多,但係當日係完全唔使排隊架~
![](https://blogger.googleusercontent.com/img/b/R29vZ2xl/AVvXsEgaFO1pS_MQ-mDPB3_uuqrcBRCydSoWq_baqYapjzS48v9JgH7QshcbQyGMQ3a1A0qh2IifVxDa4E9OVpwMvGG4dW_r4wD5uPzgoXofmhwQ6GbsCUqH7exR_YHleqEMpUcjglz4aq8ZAMo/s640/aDSCF9022.jpg)
仲有,絕對嘅推介,完全唔知佢會咁激,玩前相都無影,玩後high左唔記得影;
就係胡廸後面有個U字果架,其實係海盗船變種,但係快好多,兼個U字係垂直架,最高果一野衝落去,感覺係垂直跳樓,但係時間非常短,只fing七野,最高位只得兩野,好快玩完
![](https://blogger.googleusercontent.com/img/b/R29vZ2xl/AVvXsEjTWNoQYBBxcuxuhfrUIq4Ay2k5Z_kPfvwl405CozZnW_Z_48agRxJESwiO8isreM3a-ylYT6ErI6pqgG1permnNdZF2Gzwrp_0rtzBYGaqGdjj40uF_YP8qfldsF41f4Uvm8Zu_rdKxSo/s640/aDSCF8929.jpg)
之後玩space mountain,又變左小學雞,完全無感覺了
喺到執緊兩個樂園D相,下星期出街:)
9 意見:
去左三次海洋公園同一次廸士尼﹣﹣﹣﹣>仲悠閒過學生放暑假。
動感?車⋯⋯
哈哈,雖然上年之去完,不過好多年都無再玩機動遊戲了
呢啲野我完全唔敢玩架~
cat:就係唔係悠閒,攝時間出嚟玩,跟住做到趴街
l.minor:點解呀,你似玩得架喎
largeheadboy:你擺明上唔到車啦
越老越唔敢玩呢D野, 心血小! 同埋強國人當道,都唔想入樂園迫...
我上年去過,嗌到爆
唔好攪我, 機動遊戲我連咖啡杯都唔玩...
Disneyland 我成日去, 不過都係自己玩...我排單人隊, 好快就到! haha XD
而 toystory 個U 型, 有驚喜。
Ocean Park 未去呀。。上次可能10年+?
:P
TY:我揀左星座鋼二辰四呢D少遊客嘅日子去
卡臣:你有玩倒吊果架?
ayclui:咖啡杯。。。好暈
chiseenjai:U型,我都想玩多次
Post a Comment