Friday, July 31, 2009
改壞名
姓柯其實好難改名,細個成日比同學仔笑,真係柯乜都笑餐飽;
但有D同學個名真係笑足咁多年。。。
出嚟做野,遇到D同事,朋友;哇,D名正到呢!
最經典係.。。。
老師:附近一定有個嘅paul chan(破產)
見工女士:問佢英文名,佢話叫honey
同事:姚汝平(搖乳瓶),我成日搖佢,話搖奶樽
同事:Pity Ng,真係what a pity,最後改名做peggy
同事:叫曉飛,係孖生嘅,個個問佢家姐係唔係叫曉行曉走?
同事:叫阿琴,偏偏口大,我送左個暱稱比佢。。。大口琴
同學:Skinny Pang,好名好名,但而家變左180磅;中文叫阿芬。。。撞著個學校職員叫阿杰,番學時日日比我叫佢地結婚
同學:楊緯。。。真係大整古,唔知出嚟做野有無改名呢?
真係最怕改壞名
你地遇過D乜野好名?
標籤:
廢噏日記
Thursday, July 30, 2009
大食客
搬番出市區,街去多左,野都食多D。。。
1/鍾意食綿花冰,見到(茶軒)有得食,下午茶時段仲買一送一,試下啦;麻麻啫,我鍾意嗰隻要有煉奶+好多豆,呢隻乜都無,得果汁味;
香港邊度有我鍾意嗰隻食?
2/去北角買夜冷工作椅,行到攰,食(明記),涼粉冰消暑,正!
有一對樣衰情侶買外賣,老闆客氣提佢,咁食會撞,個女嘅寸到話:叫你整你就整啦;老闆事後呻好心著雷劈,佢話如果唔講,食到疴又嚟告佢,提你你又寸成咁,佢決定以後唔做呢兩個人生意;
喺現場真係好好睇呀!
3/好多年無幫趁銅鑼灣嘅(BEE),日式咖喱都好難唔好食,水準一般啦!但點解侍應全部係賓賓嘅?
4/自細鍾意(南亞),鍾意豉油牛扒,亦鍾意pancake,而家銅鑼灣間舖勝在夠闊絡,無咁嘈呀!
當日有兩公婆坐喺附近,個C9個樣愁到呢,以為有乜事,跟住阿女嚟,父女傾計兼叫野食,個C9都無搭咀,剩係擺出一副拜山樣,直至第二個阿女嚟,阿爸先講原來阿媽等食飯等到胃痛啦!車,一早嚟左,唔識嗌住野食先咩,駛乜成餐飯唔出聲兼擺出一副愁容呀!攪到我食野分哂心!
人胃痛佢胃痛,食到連阿女嗰碟都食埋!
5/番嚟西環,樓下有間權發,三個禮拜食左七次,勝在夠鑊氣,菜芯炒牛肉一流,西檸雞好香檸檬汁又惹味,仲有我平時少食嘅椒鹽瀨尿蝦,送啤一流
6/祥香園食得最係多蛋撻,原來雞批都好得,但今日推介嘅到食物罪惡之首嘅西多士,好肥嘅牛油加糖漿,好味好甜,甜到入心。。。。。但真係好罪惡
食飽等X
1/鍾意食綿花冰,見到(茶軒)有得食,下午茶時段仲買一送一,試下啦;麻麻啫,我鍾意嗰隻要有煉奶+好多豆,呢隻乜都無,得果汁味;
香港邊度有我鍾意嗰隻食?
2/去北角買夜冷工作椅,行到攰,食(明記),涼粉冰消暑,正!
有一對樣衰情侶買外賣,老闆客氣提佢,咁食會撞,個女嘅寸到話:叫你整你就整啦;老闆事後呻好心著雷劈,佢話如果唔講,食到疴又嚟告佢,提你你又寸成咁,佢決定以後唔做呢兩個人生意;
喺現場真係好好睇呀!
3/好多年無幫趁銅鑼灣嘅(BEE),日式咖喱都好難唔好食,水準一般啦!但點解侍應全部係賓賓嘅?
4/自細鍾意(南亞),鍾意豉油牛扒,亦鍾意pancake,而家銅鑼灣間舖勝在夠闊絡,無咁嘈呀!
當日有兩公婆坐喺附近,個C9個樣愁到呢,以為有乜事,跟住阿女嚟,父女傾計兼叫野食,個C9都無搭咀,剩係擺出一副拜山樣,直至第二個阿女嚟,阿爸先講原來阿媽等食飯等到胃痛啦!車,一早嚟左,唔識嗌住野食先咩,駛乜成餐飯唔出聲兼擺出一副愁容呀!攪到我食野分哂心!
人胃痛佢胃痛,食到連阿女嗰碟都食埋!
5/番嚟西環,樓下有間權發,三個禮拜食左七次,勝在夠鑊氣,菜芯炒牛肉一流,西檸雞好香檸檬汁又惹味,仲有我平時少食嘅椒鹽瀨尿蝦,送啤一流
6/祥香園食得最係多蛋撻,原來雞批都好得,但今日推介嘅到食物罪惡之首嘅西多士,好肥嘅牛油加糖漿,好味好甜,甜到入心。。。。。但真係好罪惡
食飽等X
標籤:
都市閑情
Wednesday, July 29, 2009
我的珍藏﹣簽名CD
部份歌手,合作過都會影張合照;有D唱片公司公關會送上簽名碟,有D呢就自己買碟搵佢地簽。。。原來都有8隻!
1/黎明 - 夢`追踪,其實我連個function都無去,但都獲得一隻
2/葉佩雯 - grace 3"CD,啱啱出道,嚟影雜誌封面,幾cool架!
3/陳潔儀 - 別讓我恨你,呢隻之前介紹過,又係影雜誌封面
4/許秋怡 ﹣秋怡,第一隻有份參與設計嘅碟
5/張智霖 ﹣ 如此這般想你,第二隻有份參與設計嘅碟
6/陳慧琳 - 星夢情真,合作最多嘅一個,竟然有五次;一次跟雜誌封面,三次品牌代言人,仲有一次係好多年前做美指個助手呀!同場仲有金城武,無錢都去做呀!
7/陳慧琳 - 飛天舞會
8/陳慧琳 - baby cat
下星期三繼續講珍藏碟
同ogake兩台同步,究竟佢有幾多簽名碟?速去check check!
1/黎明 - 夢`追踪,其實我連個function都無去,但都獲得一隻
2/葉佩雯 - grace 3"CD,啱啱出道,嚟影雜誌封面,幾cool架!
3/陳潔儀 - 別讓我恨你,呢隻之前介紹過,又係影雜誌封面
4/許秋怡 ﹣秋怡,第一隻有份參與設計嘅碟
5/張智霖 ﹣ 如此這般想你,第二隻有份參與設計嘅碟
6/陳慧琳 - 星夢情真,合作最多嘅一個,竟然有五次;一次跟雜誌封面,三次品牌代言人,仲有一次係好多年前做美指個助手呀!同場仲有金城武,無錢都去做呀!
7/陳慧琳 - 飛天舞會
8/陳慧琳 - baby cat
下星期三繼續講珍藏碟
同ogake兩台同步,究竟佢有幾多簽名碟?速去check check!
標籤:
時光機
Tuesday, July 28, 2009
Saturday, July 25, 2009
家居一角
因為今日有朋友到訪,所以臨急點都要執掂間屋佢,終於見得人;
正義朋友大集會,擺正入門口嘅當眼位
書架擺左好多書,我識字架
呢堆書都好多字架
掛左畫,感覺唔同哂,不過呢張係IKEA貨,遲D哂番張自己影嘅
廢物利用,我做嘅TEE布版變身枱布
最鍾意嘅一角,書房嚟架
棵七尺樹比我剪剪剪,變成咁,等佢生番好D就搬佢入廳
CD一大堆,佔嘅空間最多,真係好“AH"位
講開CD,做個預告,星期三約左ogake拎D簽名碟出嚟Show Off吓,你估邊個多D?
正義朋友大集會,擺正入門口嘅當眼位
書架擺左好多書,我識字架
呢堆書都好多字架
掛左畫,感覺唔同哂,不過呢張係IKEA貨,遲D哂番張自己影嘅
廢物利用,我做嘅TEE布版變身枱布
最鍾意嘅一角,書房嚟架
棵七尺樹比我剪剪剪,變成咁,等佢生番好D就搬佢入廳
CD一大堆,佔嘅空間最多,真係好“AH"位
講開CD,做個預告,星期三約左ogake拎D簽名碟出嚟Show Off吓,你估邊個多D?
標籤:
都市閑情
Friday, July 24, 2009
有沙龍唱啦!
日頭係咁做,夜晚約左K生唱K;市道好左咩?點解X州紅加價嘅?每人連自助餐要$138呀!
7:30pm開始唱,少人唱嘅好處就係可以亂嚟亂唱,走音都無有怕;遇著個都係癲嘅K生竟然唱到12:30am。。。
梗要唱新歌,由報告總司令i will be loving you你瞞我瞞搖擺如果時間來到睡公主背叛三人遊披星戴月你說的幸福呢不吐不快撈月亮的人芬梨道上到舊歌。。。
kong好人運飛女正傳心淡摘星偏偏喜歡你花與琴的流星耿耿於懷自欺欺人大哥告一段落到
到連續eason。。。
心裡有鬼想聽孤獨探戈演唱會十面埋伏月球上的人路...一直都在七百年後於心有愧沙龍
又連續吳浩康。。。
討厭自卑擇日失戀新手棋王失樂園先入為主情誡養傷
聲到沙埋,好盡慶
7:30pm開始唱,少人唱嘅好處就係可以亂嚟亂唱,走音都無有怕;遇著個都係癲嘅K生竟然唱到12:30am。。。
梗要唱新歌,由報告總司令i will be loving you你瞞我瞞搖擺如果時間來到睡公主背叛三人遊披星戴月你說的幸福呢不吐不快撈月亮的人芬梨道上到舊歌。。。
kong好人運飛女正傳心淡摘星偏偏喜歡你花與琴的流星耿耿於懷自欺欺人大哥告一段落到
到連續eason。。。
心裡有鬼想聽孤獨探戈演唱會十面埋伏月球上的人路...一直都在七百年後於心有愧沙龍
又連續吳浩康。。。
討厭自卑擇日失戀新手棋王失樂園先入為主情誡養傷
聲到沙埋,好盡慶
標籤:
廢噏日記
Wednesday, July 22, 2009
西環美食推介﹣三
又食啦,又食啦!
呢間野我細細個佢已經喺度,而家直頭可以拎嚟拍戲!
隔日就嚟幫趁一次,為嘅就係杯茶(越嚟越似阿伯)
本身飲慣凍檸檬茶,但呢度嘅奶茶+新鮮出爐熱辣辣嘅蛋撻真係絕配,蛋醬嘅甜滑配茶香,食到上癮,而家下晝走得甩都會趙番件。
呢間野我細細個佢已經喺度,而家直頭可以拎嚟拍戲!
隔日就嚟幫趁一次,為嘅就係杯茶(越嚟越似阿伯)
本身飲慣凍檸檬茶,但呢度嘅奶茶+新鮮出爐熱辣辣嘅蛋撻真係絕配,蛋醬嘅甜滑配茶香,食到上癮,而家下晝走得甩都會趙番件。
標籤:
都市閑情
Tuesday, July 21, 2009
Saturday, July 18, 2009
哈利law突﹣混賬王子的背叛
見今日清閒,決定鬆一鬆,走去睇harry potter;
諗住之前咁多集都追開,點都要繼續追。。。
睇左一個鐘,仲係散修修,你咀吓佢,佢又攬吓你,睇住一班未老先衰嘅“小"演員,真係有D惡頂,以榮恩同馬份最驚人,已經有皺紋。。。
睇到兩個鐘,仲係唔係好覺條主線講乜,到兩個半鐘,預先張揚校長會死嘅場口出現,跟住完場。
特技又係嗰D,演員又醜D,劇情又無乜,妙麗又著咁多,校長肚腩又大,唉!
睇嚟下次到我背叛。。。唔睇
諗住之前咁多集都追開,點都要繼續追。。。
睇左一個鐘,仲係散修修,你咀吓佢,佢又攬吓你,睇住一班未老先衰嘅“小"演員,真係有D惡頂,以榮恩同馬份最驚人,已經有皺紋。。。
睇到兩個鐘,仲係唔係好覺條主線講乜,到兩個半鐘,預先張揚校長會死嘅場口出現,跟住完場。
特技又係嗰D,演員又醜D,劇情又無乜,妙麗又著咁多,校長肚腩又大,唉!
睇嚟下次到我背叛。。。唔睇
標籤:
都市閑情
Friday, July 17, 2009
西環美食推介﹣二
西環D餐廳酒樓間間水準都幾高喎,間中仲有D驚喜,今日推介﹣德里大門印度餐廳
*薄餅係送嘅餐前小食,附上兩個醬+一碟醃洋蔥仔,好味到不得了,我嘅強力推介
*雜菜咖哩角就一般,主要係唔似雜菜
*咖喱食到LAM LAM脷
*結賬送嘅唔係薄荷糖,而係冰糖+香料,好特別,我鍾意香草,所以勁加分呀!
帶阿爸阿媽嚟食,又係話得,幾時我地D口味接近左嘅?
嚟探我又多個選擇啦
未完,仲有第三集
*薄餅係送嘅餐前小食,附上兩個醬+一碟醃洋蔥仔,好味到不得了,我嘅強力推介
*雜菜咖哩角就一般,主要係唔似雜菜
*咖喱食到LAM LAM脷
*結賬送嘅唔係薄荷糖,而係冰糖+香料,好特別,我鍾意香草,所以勁加分呀!
帶阿爸阿媽嚟食,又係話得,幾時我地D口味接近左嘅?
嚟探我又多個選擇啦
未完,仲有第三集
標籤:
都市閑情
Thursday, July 16, 2009
Wednesday, July 15, 2009
廣告大獎
最佳音效。。。超真實,型!
before & after 最成功大獎。。。After明顯肥左,成功
最硬淨大獎。。。羅氏律師行因工受傷,羅氏律師行醫療失誤,羅氏律師行意外跌傷。。。羅氏律師行咁都未執,強呀!
唔該配音大獎。。。佢究竟講乜春?呢D疑似大陸扮日本牌子,惡頂!
完
before & after 最成功大獎。。。After明顯肥左,成功
最硬淨大獎。。。羅氏律師行因工受傷,羅氏律師行醫療失誤,羅氏律師行意外跌傷。。。羅氏律師行咁都未執,強呀!
唔該配音大獎。。。佢究竟講乜春?呢D疑似大陸扮日本牌子,惡頂!
完
標籤:
廢噏日記
Tuesday, July 14, 2009
小強萬里尋親記
趁天氣好,諗住去天水圍探下D親戚,上左巴士,沿路風光美麗,有一對年青人本來想坐我隔離,點知個女嘅一見到我,就V哇鬼叫咁拖左男伴上樓上;
正當去到天水圍嘅時候,一個烏啄啄操唔正口音嘅C拉突然玩轉位,一腳踏落嚟,一命嗚乎啦!
估唔到悲劇收場喱!
正當去到天水圍嘅時候,一個烏啄啄操唔正口音嘅C拉突然玩轉位,一腳踏落嚟,一命嗚乎啦!
估唔到悲劇收場喱!
標籤:
一張相一個故事
Monday, July 13, 2009
叮叮
因為屋企樓下係電車站,所以呢牌搭多左叮叮;
原來由上環去西環,無論搭巴士電車定的士,相差唔會多過五分鐘,我情願搭叮叮啦!兩蚊咋,又唔怕冷親!
電車都有新同舊,今日就搭左架超舊,似去左博物館,當然影影影。。。
都係用手機影,原來唔夠光環境下,對比色差反而唔錯,仲好過架panasonic...
送多個爛gag。。。
佢係阿當,呢個係我個妹。。。叮叮
原來由上環去西環,無論搭巴士電車定的士,相差唔會多過五分鐘,我情願搭叮叮啦!兩蚊咋,又唔怕冷親!
電車都有新同舊,今日就搭左架超舊,似去左博物館,當然影影影。。。
都係用手機影,原來唔夠光環境下,對比色差反而唔錯,仲好過架panasonic...
送多個爛gag。。。
佢係阿當,呢個係我個妹。。。叮叮
Saturday, July 11, 2009
Friday, July 10, 2009
Wednesday, July 8, 2009
麻雀枱上講廢話
逢星期二都會返老家食飯,每次都會同阿媽家姐打三腳麻雀,琴日特別多廢GAG
1。。。
電視新聞街頭訪問某身形脹爆女士,問佢對便利店買野膠袋收費感覺;
我話:哇!駛唔駛揀個咁月巴嘅嚟訪問呀?
阿媽話:係啦!個頭霸哂成個電視,我地42"啫,如果人地D32"電視咪出界;
我同家姐:。。。。。。
2。。。
家姐打東,
我嗌:槓
。
。
。
。
。
。
之鍊金術師
家姐:。。。。。。
3。。。
老豆睇財經台,有嘉賓接聽眾電話
女主持:係,何生,有咩野想問嘉賓呀?
何生:我想問1388
女主持:啊!安莉芳,有無貨呀?
跟住我代何生答:有呀!有兩件,想問你點洗先唔會變型
老豆:。。。。。。
1。。。
電視新聞街頭訪問某身形脹爆女士,問佢對便利店買野膠袋收費感覺;
我話:哇!駛唔駛揀個咁月巴嘅嚟訪問呀?
阿媽話:係啦!個頭霸哂成個電視,我地42"啫,如果人地D32"電視咪出界;
我同家姐:。。。。。。
2。。。
家姐打東,
我嗌:槓
。
。
。
。
。
。
之鍊金術師
家姐:。。。。。。
3。。。
老豆睇財經台,有嘉賓接聽眾電話
女主持:係,何生,有咩野想問嘉賓呀?
何生:我想問1388
女主持:啊!安莉芳,有無貨呀?
跟住我代何生答:有呀!有兩件,想問你點洗先唔會變型
老豆:。。。。。。
標籤:
廢噏日記
中環堆填區
咁鍾意比珍吖嗱,繼續。。。請用叮噹聲讀出
中環係高尚商業區就係人都知,但一到星期日就化身賓賓廣場,所以好多時裝店都會趁星期日化身特賣場去吸引呢班客呀;
特賣場其中一個特式,就係門口D衫亂左唔駛摺;但係今日係星期二,而呢堆衫又未免真係多得滯同亂到跨左吖?
成個堆填區咁,D衫仲巢過阿婆條頸呀,真係!
最邪嘅係以前我竟然打過呢間野兩個月工呀!
請比珍!
中環係高尚商業區就係人都知,但一到星期日就化身賓賓廣場,所以好多時裝店都會趁星期日化身特賣場去吸引呢班客呀;
特賣場其中一個特式,就係門口D衫亂左唔駛摺;但係今日係星期二,而呢堆衫又未免真係多得滯同亂到跨左吖?
成個堆填區咁,D衫仲巢過阿婆條頸呀,真係!
最邪嘅係以前我竟然打過呢間野兩個月工呀!
請比珍!
標籤:
廢噏日記
Monday, July 6, 2009
老豆偏心
老豆偏心細佬就係人都知,不過我都慣啦!
咁有D野又真係唔抵幫嘅,身為潮州人,佢至愛海產,偏偏我聞見大閘蟹就要入房鎖門兼噴野!
佢愛足球籃球,我細個陪佢落場至叻避波,有波嚟即閃;
我廿歲左右佢諗住親子,見我打網球同保齡佢又嚟打,點知即刻扭親手,唉!
佢最怕食飯時候講屎尿屁,咁我已經好叻咁完全唔提呢三個字都表達到,幾咁乖巧!
例:我今朝一起身就X左三次,好水潤,似咖喱!...see,完全無犯規架!
。。。。。。。。。。。。
上星期call哂全家去新居附近食泰菜兼帶家姐細佬睇下新居,啱啱食完細佬UP左句菲律賓話叫我地估咩解,我聽過梗知啦。。。(你個隔肋底好臭)
老豆笑到格格聲,細佬老婆問阿老豆點解細佬食飯講D咁嘅野就無事,阿哥就比人鬧,我答咀:係呀係呀;
老豆話細佬夾啱時間食完至講,唔似我食緊嚟講喎!越講越火,又累我比人鬧,激氣!
家姐食飯講古天樂廣告,明明借D意講粗口,佢又讚家姐國語發音準,激氣呀!
...........
呢篇幾多字呀真係
完
咁有D野又真係唔抵幫嘅,身為潮州人,佢至愛海產,偏偏我聞見大閘蟹就要入房鎖門兼噴野!
佢愛足球籃球,我細個陪佢落場至叻避波,有波嚟即閃;
我廿歲左右佢諗住親子,見我打網球同保齡佢又嚟打,點知即刻扭親手,唉!
佢最怕食飯時候講屎尿屁,咁我已經好叻咁完全唔提呢三個字都表達到,幾咁乖巧!
例:我今朝一起身就X左三次,好水潤,似咖喱!...see,完全無犯規架!
。。。。。。。。。。。。
上星期call哂全家去新居附近食泰菜兼帶家姐細佬睇下新居,啱啱食完細佬UP左句菲律賓話叫我地估咩解,我聽過梗知啦。。。(你個隔肋底好臭)
老豆笑到格格聲,細佬老婆問阿老豆點解細佬食飯講D咁嘅野就無事,阿哥就比人鬧,我答咀:係呀係呀;
老豆話細佬夾啱時間食完至講,唔似我食緊嚟講喎!越講越火,又累我比人鬧,激氣!
家姐食飯講古天樂廣告,明明借D意講粗口,佢又讚家姐國語發音準,激氣呀!
...........
呢篇幾多字呀真係
完
標籤:
都市閑情
Sunday, July 5, 2009
Friday, July 3, 2009
Thursday, July 2, 2009
與馬生的對話
鳴門:咦!好乾淨喎
馬生:係呀,今日有人幫我洗白白,而家好舒服呀
鳴門:你以前無洗架咩?
馬生:一時時啦!有時懶咪無洗囉!
鳴門:你跟咗新主人幾日,有咩感受?
馬生:有咩感受呀?佢成日嚟探我,一日三餐無憂囉,食得幾飽架
鳴門:會唔會食滯架?
馬生:唔會!有時有消夜㖭呀!YEAH
圖片與對話絕對無關,敬請留意
完
馬生:係呀,今日有人幫我洗白白,而家好舒服呀
鳴門:你以前無洗架咩?
馬生:一時時啦!有時懶咪無洗囉!
鳴門:你跟咗新主人幾日,有咩感受?
馬生:有咩感受呀?佢成日嚟探我,一日三餐無憂囉,食得幾飽架
鳴門:會唔會食滯架?
馬生:唔會!有時有消夜㖭呀!YEAH
圖片與對話絕對無關,敬請留意
完
標籤:
厠文化