快獸撞正怪怪獸

行街行到腳仔軟，走去旺角朗豪坊，諗住去睇魔法天書，點知得番頭三行，見怪怪獸仲有Ｄ側位，排隊買飛。。。


輪到我，
我話：兩張7:50怪怪獸
售票員：多謝二百
我：（好大聲）吓！幾錢話？
售票員：二百，每張一百，3D嚟架
我地唯有乖乖比錢

戴上提供嘅立體眼鏡，變身深圳盲公炳



戲係我鍾意睇嘅無聊得啖笑嘅卡通，故事簡單（唔好同我講背後原來又有Ｄ咩隱藏義意）,奸角低能，怪獸中以泡泡同蟲隆子最殺食，超可愛。立體效果層次好強，原來已經唔係廸廸尼樂園嘅水準，蟲隆子Ｄ毛好仔細。但戴住自己副眼鏡加3Ｄ眼鏡睇3D畫面，好攰。
最後總結：戲好笑好睇，但一百蚊真係貴囉！

完