醒醒

呢幾日，間中有太陽，濕濕凍凍嘅天氣終於都無咁影響自己，個人終於醒番Ｄ，唔駛再開暖爐，周圍Ｄ朋友都話，唔係吖，仲開緊暖爐！
最明我嘅始乎只有佢，佢尋日終於冬眠完畢，啱啱起身，喺個缸入面眼矇矇咁望住我。。。


早兩個星期，阿媽見天氣暖Ｄ，諗住嗌醒佢，比Ｄ蕉同豬肉佢食，佢慢動作咁食，點知兩分鐘後即刻疴番出嚟，最精彩係疴出嚟嘅同未食嘅係完全一樣樣，直頭無消化過，疴完又瞓過。

今次就唔同，醒好多,一放出嚟，擺佢去新買番嚟嘅新居，佢八八卦卦“參觀“環境，似乎對新居滿意喎！



始終都係動物對天氣敏感Ｄ，應該唔會再凍啦卦；我諗我前世係隻龜！