啟蒙老師

幾個月前，從中學同學口中得知，我地嘅美術老師盧sir即將退休，當年美術班同學決定約佢食飯聚舊。

中一至中五美術科老師都係佢，到中四時，被編入地理班，而當時學校有一個選擇，如果會考想考美術就要放棄讀地理，即身在地理班，但上地理時卻走去上美術堂；我完全無考慮即過檔。終於全級總數七人報名，亦變成呢間學校第二年嘅白老鼠，如果我地無成績，之後嘅學弟分分鐘無得報美術會考。結果我地無令學校失望，一個攞Ａ，三個Ｂ，一個Ｃ，一個Ｄ，一個有事遲一年先考，我雖然諗住Ａ梗，但最後只有Ｂ。

課餘老師有問過我將來想做乜，目標放喺邊，我記得我答將來要做廣告公司，做某個位置等等。（我一向有計劃，估唔到喱？）
我嗰日比佢問番起，好開心可以答目標一早已達，無浪費佢用心教我嘅心力。

席間同學帶來一本我已失踨的校刋，入面有一張美術班合照，對照今日，知唔知邊個係邊個？


ps:呢篇預左比人笑，隨便！