shopping魔的告解

去旅行見野就買已經唔啱，買咗唔用放喺到“嘔"就真係罪過。。。

舊年英國habitat減價貨，燈泡會有花架喎！好靚呀，買！
一擺一年，為咗影呢張相佢終於著咗佢嘅第一次（之後又pack番埋）
之後喺泰國見過Ｄ近似嘅，忍咗手無再買


巴黎買，入面係有味嘅水蓋，“樓“落枝膠樽水度就會變有果汁，呢個月到期，我會飲架啦


上個月高雄買，買咗又唔食，過咗期兩日，我今日會食架啦


07年10月日本買，原封不動，其實我仲有十“令“包茶葉，點好呢？


08年4月曼谷買，貪得意，又係月尾到期


一樣08年4月曼谷買，袋都未拆


呢批都係曼谷，不過係07年，諗住扣喺Ｄ袋呀衫呀，結果不見天日


又係曼谷野的禍，屋企除咗洗面膏，呢樣都係重災區，Ｄ香呀，香精油呀，蠟燭呀咁，多到我諗日日點都要點一年
呢盒當然未郁過，幾時輪到佢吖


未完，呢篇都有續集，羞家