慶祝

海嘯殺到嚟，十一月仲講緊接單成績有進步，十二月即仆到盡。。。公司即時裁走幾個同事，心情難受，保得一個得一個；所以對於上星期嘅會展，事前做足準備，比足心機度橋，計哂十萬個可能性，因為唔希望自己或隔離嗰個成為下個被裁嘅目標。。。


結果成績今日正式公佈，僅僅再好過上次十一月嘅紀錄，真係超超超超超開心，老闆仲開埋香檳慶祝，一開六枝，配埋士多啤莉，好味，添飲再添飲，結果成朝做野慢吞吞。

今次事件我個人有個得著，就係要做一定做到；
由第一次會展只識執枱做阿四，到上次派catalogue拉客比同事，到今次熟讀資料，拉客兼sell埋，最終做到兩單（一單朋友介紹），另外嗰單個客真係唔識㗎喎，做成嗰刻開心到吖！（不過我無佣分，所以送咗比其他同事）

不過三月又有會展，今年要打七場硬仗，各位唔該提供Ｄ減壓嘅方法