高雄墾丁海角遊（第三日）

特長版，寫足一日，慢慢睇！

一早起身已經唔多妥，早餐好食但無乜胃口


問老闆邊度可以見到牛羊，佢推介行入國家公園，全程需行兩個半鐘；起程


好好太陽但間中有風，又攝親啦


好多牛同馬呀，仲有牛同馬嘅Ｃ呀，算唔算鄉味呀？


行咗個幾鐘有間六福，問老闆路程之餘，其實行唔郁，買枝茶坐低抖吓
老闆話寶玲同翁虹都係竉物，唔食架，翁虹已經十歲，夜晚會飛上樹瞓


行回頭路出番嚟，途經人氣豬手店，又入去抖抖；好想飲湯，叫咗個咸菜胡椒豬肚湯，個人醒番Ｄ


約咗車送我地去高雄酒店，司機中途又要買檳榔，無啦啦又要停恆春同街坊傾吓計，沿途又食煙又講鬼咁多電話，單手揸車又超速喎，閩南話講電話又大聲喎，吓吓都同人鬧交喎，又醜喎！全程個幾鐘架，肥佬！


酒店check in後，速速搵野食，嚟到愚人花園，完全無胃口，揀咗飲湯同茶；越嚟越燒，決定自己先番酒店


到酒店，女職員見我病樣，幫我搵最就近診所，仲迫我飲水（個個都對我咁好嘅？）佢上網搵診所期間，我都上網覆自己個blog,嗰段時間就係最燒嘅時候,暈陀陀；佢教我行三個街口就有診所，行去見醫生，答案係流行性感冒，拎咗枝小型噴槍噴咗Ｄ藥落喉嚨同鼻，比咗藥叫我休息，番去瞓咗粒半鐘


醒哂！行六合夜市，食呀


再食呀


繼續食呀


最後飲杯熱嘅梅子楊桃汁


隔離就係美麗島站，好多介紹話到有幾靚，用咗幾多錢，原來只係細細規模


廢噏在高雄（上篇漏咗），個樣真係醒番架！（但請留意第一張同呢張衣著上嘅轉變）


第三日完