高雄墾丁海角遊（第二日）下集

好多人提到天氣，先嚟牙擦一番，我去旅行或者出公司ＴＲＩＰ，差不多次次都好天嘅，所以我叫自己做太陽之子，講完。繼續行程。。。

離開鵝巒鼻，又係一到車站即開車，好運到不得了；本來番民宿，見架車總站去恆春，咁就去咗恆春喇！


沿路都有“cam cam"作怪，見藥房有念慈菴賣，咁就入去幫趁啦！
點知老闆娘問我係咪香港嚟？係咪感冒？有無咳嗽？跟住竟然送上藥粉開水一杯，話飲完就會好，我飲完但嗌苦,佢再送上涼果一包；
佢話：感受到恆春人嘅熱情嗎？
我真頭感動呀！老闆娘


通街都係路標指示你去“海角七號“嘅場景，嚟咗呢個；但週圍都變哂賣手信嘅地方


阿嘉間屋又係，變咗手信專賣店，連郵局都搵個番版阿嘉影哂戲入面郵差場景做postcard，呃錢！


跟旅遊書去“出火“（好勁嘅名），行多過半個鐘，沿路都係墓地（我唔係某人，又無駁髮，鍾意去Ｄ墓地旅行），去到完全唔似樣，雖然對地底有天然氣好奇，但遊人個個喺到燒炮谷香腸就真係有Ｄ出火，跟住仲要黑蚊蚊都原路出番去，唉！
各位，去恆春唔好去出火呀


行到攰，去三年九班醫醫肚，好味但其實樣樣都係一樣味，但手冊做餐牌，學校枱做餐枱都幾過癮（但食物超慢，唔趕先好去食）


有幾人氣，睇吓你認得幾多個？答哂六個有獎，答案聽日開估


第二日完