以前， 一人一件大地牌校褸，呢個牌子嘅老闆應該肥到著唔到𧙕囉，而家D細路仲係咪著呢個牌子呢？
買左件校褸，又要去學校買個校徽自己釘上去，釘得靚唔靚就睇你阿媽嘅手工啦(而家係咪賓妹做架呢？）
件校褸一著就成季，無洗架喎，打波又將佢通地放喎，果陣時又得架喎，咁污糟
未到一定嘅溫度就唔比著校褸，所以又要準備多件冷衫，果個年代好多都係手織嘅，我件係阿姨織比我嘅，係完全唔啱身嘅。。。
而家講番，已經係上世紀嘅事，當年嘅死蠢而家已經變左阿叔，只係醒左少少
大爺youtuber
11 hours ago
.JPG)
14 意見:
除了大地牌
還有雪花牌
利工民冷底衫
我當年嗰件中一著到中七，死蠢中一生聽阿媽話買大兩個碼，我諗都有頭兩三年摺住過冬。
件校褸一著就成季，無洗架喎 --> 我都係喎~^^
睇呢篇即刻諗起果對白飯魚, 唔比人踩到黑哂一個個鞋印都唔去洗呀, 以前要自己洗o架...有時懶起上o黎喺上面搽d白兔牌就算~
小學校褸係大地﹐中學肯花D錢搵觀奇。
以前o係灣仔D校服店買衫﹐被阿媽同老闆迫當眾除褲試著﹐超無癮。
卡臣:
我無著過利工民呀，係咪真係暖D架？
Tee：
哇!小學果件著左以年呀，中學就難D，中一到中七，童裝變大人啦，點可能呀
ayclui：
而家好似無左油白油呢下動作
best actor：
童年陰影呀
"被阿媽同老闆迫當眾除褲試著，超無癮"
哈哈，笑C我~~
依家校褸多用棉裏喇，大地牌早失勢喇！
maymay:
咁你就開心，唉!
laulong：
最好可以著羽絨啦，呵呵
小時候買校服，一定係【金綸】，而家D學生買校服又係【金綸】，個老闆仲發呀！
我細個啲校褸都完全無洗架！淨係收埋之前攞出去晒太陽。同埋嗰陣時一個禮拜上兩日體育堂，但係套運動衫都唔洗架着完第一日~
Ellen老師：
我又未聽過金綸喎，會唔會係女校著金綸呢？
大頭：
你真係污到過哂火
我見大埔啲小學生件校褸變晒 core-tex 咁款啦。中學生 0-40 度都係冷 pullover，唔著校褸嫁。
supageti：
無人著棉襖啦呵？
依家學生的校褸，好多都係用雙面膠紙貼個校章上去架~
Post a Comment