harry potter﹣首映禮呀

星期二，有朋友抽到首映嘅飛，叫埋我去，即仆去，預早左一個鐘去排隊，以為有好多人，條隊一路都係得幾十人咋喎；因為其他都係VIP呀


9:30開場，9:10開始有D星到，華納嘅方大同周子揚連施雅，吳浩康，王敏德鄧梓峰黎燕珊龔慈恩同D仔女，梁思浩李浩林，仲有樂亦玲帶住一班巨聲一幫呀。。。

抽飛嘅呢，獲安排坐頭五行，我坐第五行啦，原來樂小姐同班巨聲幫都係第7行咋喎，喺正我後面，第六行我左左邊就有方大同喎，右邊又有鄧梓峰，咁開場啦，熄燈，我後面第六行有人坐低啦，見D人係咁望過嚟，我又望下啦，原來係hotcha，regene同wrinkie仲好sweet咁揮哂手say HI~~，我又hi;原來regene都幾電喎！好可愛～

想講下我排隊見到嘅景象，我覺得好好睇架。。。

現場企左一班龍友宅男同粉絲女，見電梯一開，有人出嚟，佢地就全部望哂過去，見有D濃裝D嘅女行出嚟，就即刻烏蠅嬲屎咁飛撲埋去影相，(連黎燕珊都唔放過），好好笑，另外，黎燕珊行到我面前時。。。

我前面班師奶（A）話：呢個咪阿邊個
另一個搭咀：老亞姐呀
師奶（A）：喔，司馬燕

我笑到收唔到聲呀
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
睇下D宅男

最左面有幾個潮男打扮嘅，個個有對翼，但前面白色果個對鞋都有對翼，但咁身型，有翼都飛唔起啦；最右面果個唔係宅男，女嚟架！


佢地圍住喺度等電梯D人行出嚟呀，紅藍間果個不停行嚟行去，影到相就滿足咁笑，做人咁簡單真係幾好喎


睇完宅男，睇下女粉絲，D粉絲可能浸左水，係咁上下架啦；藍色果個一路等一路食雪糕，唔怪得之。。。啦


佢地無入場，但完場12:00佢地仲喺度呀，唉!

講下套戲，上集悶出C，今集就一開始已經嚟料，多特技又夠緊張，妙麗D衫又靚，仲成日得閒換衫喎；哈利除衫戲竟然有幾場，問你驚未？
榮恩繼續係一個佬，但幾好笑

呢集睇得過，我比85分，推介～幾時做埋下集呢？