道風山遊記

睇雜誌相見到有D中國建築，以為係道家，點知原來係基督教嘅靈修地方，唔關道教事，亦唔關杜可風事；山上面仲有個巨型十字架㖭！

沙田你就去得多，有無試過由火車站行天橋去宜家果邊，然後上山呢？果度叫道風山！由山腳行上去，半個鐘至九個字左右啦，一路都係斜路，都幾高架！所以見到有人情願搭的士上去


呢度呢，比我感覺真係幾特別，有D唔似喺香港架，先睇呢個。。。

1/喺一幅超巨大石牆入面，門口黑到乜都睇唔到，摸黑入去，原來有間房，係比人祈禱嘅；入到去，當眼睛適應到光暗時，原來有人坐喺我隔離讀緊聖經，我真係嚇左一野囉!令我諗起鄭少秋套”基道山復仇記“，基道山同道風山唔通係兩姊妹？


2/山上嘅人相信好多都係虔誠嘅教徒，周圍都見到佢地讀緊聖經；咁山上面有個兩層樓高嘅十字架，腳底都有個女仔讀緊聖經喎，而十字架旁有個亭，入面班人又係讀聖經喎！咁你實問有乜奇呢？奇在其實好多好多蚊呀，真係虔誠到蚊都唔針佢地？定係原來咁先係考驗呢？


3/要去山上朝拜個十字架，係有條件架，就係要過到個窄門啦!原來信耶穌係要keep fit架，肥係連通行證都無呀，問你驚未？


道風山相簿，配合冬天陽光，今次加大個反差

a/石迷宮﹣呢個迷宮係比人讀聖經用，呢張我鍾意喎


b/簷頂


c/花影


d/透光


e/透光2


f/光影


g/新生


後話：其實今日幾張都鍾意喎，呵呵～

再後話：整理緊之前D香港遊，原來已經寫左50篇，就嚟影勻全港十九區啦