豬頭嘜花生油特約 ﹣廣州真騎呢

工幹返廣州，幾年無見，廣州依舊好多正野，今日先講酒店


嚴格嚟講，佢唔係酒店，中國人壽嘅培訓地方兼宿舍，同事話勝在近工作地方同衛生喎！


睇下Ｄ牙刷同番梘包裝幾咁精美;
但係廣州酒店同住宅有個普遍嘅問題，係厠所有渠味，好難聞，而水喉水都有怪味,酒樓食飯杯茶都有嗰陣味，所以好多時飲可樂。


比兩隻杯同茶葉你，但全房搵唔到茶壼，水喉水又唔會係滾水，即係點呢？


個垃圾桶靚到吖，對住佢影相笑到收唔到製！


最後，間房有兩張床，正想坐落近窗嗰張，點知見到一隻mini曱甴死屍，唉！已經好夜，改瞓隔離嗰張。

你話間酒店係咪好得呢？