最近食Ｄ乜

數碼港無啖好食，試過去香港仔食太興，已經覺得係天下美食，以後會去多Ｄ。
紿終大部份日子都要喺數碼港開餐，試下新意思。。。去foodcourt食過意粉餐，睇住佢煮，亂糟糟，雞手鴨腳，白汁同煙肉都太少,我煮好過佢。


去超市International（其實咪係百佳）買沙律；咦，呢個得喎，不過唔飽


第二日繼續超市，今日食三文治，水蛇春咁長嘅名，其實係白汁碎蛋雞肉麥包，又幾得喎，以後食呢Ｄ算啦，不過都三十幾蚊一份


呢個係早餐，唯一一間選擇，個蕃茄菇菇通幾特別，似茄膏，味好濃


又係早餐，今次係九龍灣，食咗個panini,係唔似巴黎食嗰隻，但煙肉＋蛋＋麵包，實好味架喎


收工收得夜，有一晚早Ｄ走咗去旺角，又係吉野家，終於試咗呢杯紅豆綠茶，幾好味吖，又Ｄ似草餅


好耐無食好嘢，邊個有興趣同我去拆番餐？