東京．伊豆．輕井澤の旅﹣day2 （上）

之前機場買左關東pass（可用三日，8000円），今日開始用啦，而去伊豆嘅車飛亦喺機場訂好

去伊豆，搭嘅係踊子號，本應東京站出發，但聽聞super踊子號係最靚嘅，賣飛姐姐亦說super踊子號最好，但佢早上由大宮開出，於是先搭JR去大宮再轉去伊豆（pass包埋），用多左時間呢

點知，拎行李落酒店大堂，佢地原來寄存行李唔可以過夜（我真係第一次遇到咁嘅事，佢建議我地可放在另一間分支酒店，但需行8分鐘；我即時決定係搭的士過去，但等左好耐都無車。。。於是朋友再決定連行李帶去伊豆，OMG～

推住行李，無去搵地方食早餐啦，食便利店嘅三文治啦（呢次係被迫慳架）


伊豆好大架，我地揀左住伊東站，到啦，天氣好到不得了呀～


點解揀住伊東站，最大原因係間旅館；伊豆嘅旅館大部份偏貴，而貴嘅原因除左有溫泉，亦因為夜晚餐飯，但我唔食海鮮，呢餐其實貼錢受罪，於是試搵一D唔包兩餐嘅，既可平D，又可以出去食正野～

K's House，歷史建築物改裝做旅館，100年歷史；仲要平喎，每人只需3400円
check-in時，佢地好驚訝有香港人嚟住，upgrade左我地對河景（貴1000円架每人）
原來酒店嘅住客大部份都係鬼仔鬼妹喔～


酒店因為係歷史建築物，好多規矩要守，入屋要換拖鞋，喼唔比拖行，仲有係全屋禁煙架
有公家厨房任用，有免費茶，清酒，咖啡，仲有米㖭，你可以自己煮飯架，不過要自己洗碗
厠所房間有，但沖涼就要落溫泉啦，今晚再講。。。


從對面河望過嚟，真係好靚喔，無揀錯呀


搵飯食，我揀左蛋包飯，yummy~


食飽，搭Alpha Resort21去河津啦，呢架車嘅特式係打側對住個窗，睇靚景架，影相一流呀～


到河津啦，櫻花開成點呢？

（第二日未完）