Monday, March 12, 2012

東京.伊豆.輕井澤の旅﹣day4(噢,雪) (下)

快獸:好黑仔呀,呵呵呵。。。



去完舊區銀座,行去車站附近一個靚湖,去到,咦!結左冰,後面有雪山,靚成咁嘅~

上次嚟係咁樣嘅。。。
今次,橋唔見左,屋唔同左,究竟係我去錯地方,定係橋都拆埋呢,謎呀!


真係靚到無得彈;冰湖上面有鴨鴨喎


佢地可以冰面行走,又可以喺冰水暢泳,癲架


隔離個公園有好多擺設,原來係情人節同聖誕節舉行過聚會(過哂期都唔拆嘅?),埋去影相,中計鳥,原來地下D雪冚住嘅係爛泥,好似跌落浮沙咁,鞋更濕了,鞋變了啡色,好似踩屎咁
但唔緊要喎,下一站係outlet,我帶哂銀兩嚟買波鞋


上次嚟,車站旁有間牛奶機,枝奶好掂
今次嚟,車站依舊,牛奶機依舊,但維修中;頭頂舊雲黑D再黑D
唔緊要啦,去到outlet都食飯啦(好識安慰自己架我)

雪山嘅人落山啦,因為近黃昏啦


到outlet,推addidas度門。。。鎖左?nike....銷埋?明明係佢地門口寫嘅working hour嚟架喎

行去mall正門。。。X@%$&(J(YZ,頂佢個髻,有無咁邪呀,全mall休息,係都唔比人食飯喎,係都唔比人使錢喎,算點先;
嬲呀,見佢廁所有開,用佢個廁所,用番夠本


個outlet舖左雪又真係靚靚喎,唯有繼續影相先啦


穿過outlet去到一個渡假邨,四面都係森林,好陰森,太陽落左,好凍
雪好厚,乘機用雪擦鞋,又真係可以擦甩哂D泥喎


睇下個比例,係好大好大嘅森林


番車站,便利店買個包(究竟食左幾多餐包),番東京啦

東京站落,因為要幫隔離台個大頭喺東京站攞野,what's app佢,問佢東京站有乜好食,佢比左兩個建議。。。
去到,一個排長龍,一個係湯麵,正想入去,睇真D,碗碗都寫住魚湯,eiya,走人
過佢對面果間食咖喱豬扒飯,睇賣相都知好掂啦


餐廳坐嘅係bar枱,對住waiter同厨房,左邊嘅窗係厨房出餐用,右邊係。。。睇人洗碗,啱啱cut左個頭架喎,佢洗得好用心架喎,唔通係表演嚟嘅?


預告:東京食食食啦

12 意見:

TY said...

你個TRIP真係有舊黑雲常陪你左右, OUTLET閉店咁大件事你都唔CHECK清楚既?!!

btw, 我住過果樹既森林小屋,都幾好住, 但會熱到醒左!同埋早餐好味道!!!

Cat said...

真係饑寒交迫......

卡臣 said...

對鞋濕咗,咁凍「up」住好辛苦啫

largeheadboy said...

又一次唔該晒你專登飛過去東京幫我攞野!
東京站下面嗰幾檔拉麵好正架,等我接力報道喇~

lau2tang said...

呢個outlet有分東、西邊架,Nike、addidas賣運動用品ge係東面,是你張相片話,是日東面休館,而西面的食街同商店街照常營業喎~
碟咖哩飯睇樣就好掂,咁實情呢?

naruto said...

TY:
你覺得我之前果晚先決定嚟,會做功課咩?

我都想熱醒呀而家

Cat:
唉!

卡臣:
又唔算喎,乾得好快喎

大頭:
魚湯果D唔使講啦

lau2tang:
乜Q都休呀,除左廁所

black lab said...

樓上有人提到張告示。
的確係寫咗邊度休邊度唔休,但如果唔識日文嘅人,係唔會知道。味之街,的確喺附近,不過我估大叔應該冇預計要行出 outlet 範圍食飯,所以冇重點準備到資料啦。

TY said...

之前果晚決定去, 都可以上網望下有無開先掛?! :P

我記得味之街好早收..夜晚七點就收檔!

lau2tang said...

個車站係中間的話,咁東面就係背住車站時的左面,而食街係係右手面條路一直行,都要得成五分鐘架。不過點都好,大叔整定係跟咗個必瘦團,未到夜晚,唔准你開飯。

laulong said...

咁凍,你啲手指甲有冇黑到?

naruto said...

black lab:你咁講我又記得上次去的確係行去另一邊食飯,但唔多選擇,今次唔識日文,更加唔會行去

TY:去輕井澤個重點只係為影相,無諗過上網check outlet囉

劉鄧:我知你講邊度啦,不過算啦,有失就有得,喺個mall影左張靚相(未出街),俟餓都值嘅

laulong:無留意㖭,呵呵

lau2tang said...

你咁講令我想起的靚模為了要一張靚相,由朝到晚唔食嘢!^b^

Related Posts Plugin for WordPress, Blogger...