叫酒店職員同的士司機講我地想去Lumphini Park，佢反問話去做運動？唔係呢果度無乜野睇喎，但我偏要去呀～哼!
去到，行入去見好大呀，似維園咁，當影緊D花花草草嘅時候，朋友突然大聲叫我行過去佢果邊。。。。細心睇呢張圖都見到DD架啦
距離佢廿零尺有隻龐然大物，約9尺長，極肥大；我第一個反應嗌左出嚟。。。。科莫多龍？會食人嘅科莫多龍？
即刻舉機，但我得枝20mm鏡，就算用埋digital zoom，都只係影到下圖咁細隻兼粗微粒
佢一見人就跳落水；但跟住嘅5分鐘，我發現河嘅兩岸，我地嘅週圍其實有好多隻，只係比較細隻，我繼續影，發現佢地其實驚人， 行近D佢就急步走
遊水速度好快，喺水入面一定唔夠佢地快囉，佢地喺水，剩係見到背部，似鱷魚又似巨蟒
識我嘅都知我癲架啦，開始唔用digital zoom，追住佢地影；終於有張幾靚
又，行過一條橋，突然覺得橋底有D聲，原來橋下有十幾隻，隻隻超巨型，果一刻真係呆左，好侏羅紀呀；但都舉機影左最大果隻，over10尺兼好肥
呢隻好文靜，我影到張close up啦
跟住見到呢隻，睇下條脷，好長兼開义架；我越行越近兼踎哂身，比朋友喝住話我走得太近，同佢相差只係得番兩尺左右，話口未完。。。
佢非常敏捷咁轉身向我走過嚟，我速彈～
佢行左去樹底，原來有好多魚鱗，佢食魚鱗喎，咁大塊嘅魚鱗，乜野魚嚟架呢？
其實好奇怪：
因為我見好多泰國人瞓喺草地，唔驚佢地架喎
我去過曼谷多過十次，睇過好幾本旅遊書兼上網搵料，都唔覺有人介紹過喎，驚嚇走哂D遊客？
佢地真係科莫多龍？無理由咁危險通公園行架
但我番嚟上網原來係真架？（下圖為網上搵到印尼嘅科莫多龍），仲話佢地條脷有毒㖭呀!
最後想講呢，當你專心影緊一隻或者影緊其他嘅時候，隔離突然出現一隻，真係嚇到心臟病呀
快獸：鍾唔鍾意我嘅推介呢？大家得閒去探下佢地啦!
To be continued
.JPG)
29 意見:
點解你個朋友未出過鏡嘅？
快獸返黎啦！
this is sooooooooooo gross!!!!
l.minor:
唔係個個願出鏡架嘛
Fun：
gross？grass我就識
如果我見到，一定速逃!吓?條脷有毒?唔使預我。
你下次帶套快獸cosplay衫去影佢哋嚇返佢哋轉頭。
卡臣:
網上資料話佢條脷嘅毒液可以麻醉獵物，好強呀
Tee：
扮快獸嚇番轉頭，我覺得會輸囉
嘩，咁大隻，好驚嚇呀。初看以為鱷魚呀。
Maisy：
鱷魚我就唔敢走埋去啦
你真係好大膽囉,, 我見到D相都打冷震,, 仲要2尺!? 你真係殺左我好過
呢家野以我見慣世面都覺得頂唔順呀~
Adio:
我對呢D又真唔係好驚架咋喎
largeheadboy：
我見過你之後就連見佢地都唔驚
公園冇警告牌架咩？隨時會嚇C人架喎，例如我咁~~~~
maymay：
無警告牌喎，你應該唔會嚇C，最多嚇到咇C
你約埋老公一齊去探佢地啦
（我幾咁旅遊大使呀真係）
嗰公園好靚喎，仲可以同d蜥蝪近距離接觸，個職員仲話無嘢睇?
快獸點解唔同科莫多龍影返張合照呀?!!
哇，鐵甲威龍！
仲以為只有印尼嘅荒島才有!! 好可怕呀!!
你有冇諗過扮咸蛋超人，同佢打交影吓相呢?
JC：
係呀，咁爆嘅公園我都係第一次行咋
TY：
顧自己都顧唔掂，仲點拎快獸出嚟影相呀
laulong：
邊度有鐵甲？
星若：
係呀，喺鬧市，好勁呀
Ebenezer：
我仲錫住自己架
如果我見到呢啲動物，我會唔會走近影相呢？...我諗都會，話晒唔係常見。
BTW，上一篇我話要打格仔嘅係指你打機嘅手勢喎。
black lab：
咁你會唔會去探下佢地呢？
BTW，我都唔知我係咁手勢打機架喎，好型呀～
呢啲係咪食蟻獸黎架?
真係好似侏羅紀第二集個情景喎，係差在無搵佢地的便便做研究囉。
話時話，我最驚就係呢"亭"四隻腳一條長尾頭岳岳的爬蟲動物，千祈唔好拎黎嚇我呀~
真係估佢唔到...呢D生物好得人驚...
個公園除咗佢地之外, 仲有無見到其他動物呢? (有都可能比佢地食哂~)
佢似蛇mix鱷魚啊
lau2tang:
都話係科莫多龍咯，check過啦，堅野嚟架，全公園有二百幾隻
ayclui：
我都係第一次咁近無阻隔見一隻大件過自己嘅生物，除左大象
phyllis：
係大鱷呀，現場見好震憾
真係估唔到, 下次要去睇吓科莫多龍!!
瘋go:
得你一個想去睇，我呢個曼谷旅遊大使真失敗
我岩岩係BKK番黎。因為你既介紹我突登去左捉龍。不過我淨係見到一隻乍，佢見到我興奮地跑過去仲要驚到快閃~
Post a Comment