近幾年呢，一到夏天呢，D環保人／科學家／天文學／光頭歌星等就咬牙切齒咁宣傳地球暖化啦，香港無冬天架啦；咁而家究竟係乜呢？〇
佢地又會話北極熊無地方住啦，死哂架啦!我未見到北極熊熱死，但見到街頭露宿凍死幾個囉!
但係每逢冬天好似呢幾日咁，班專家就會失哂踪，我覺得要問責囉，告佢地「尋釁滋事罪」囉!
我知佢地實會話：地球暖化引致嘅兩極天氣嚟架；好似前幾日天文台主任講：“因為地球暖化，所以嚟緊兩日氣溫會進一步下降”，真係聽到你一頭霧水架!咩都係佢地講；
我要講呀，其實我已經幾環保架啦，只係唔認同佢地好似恐嚇，鬧Q你嘅方式咋!
呢幾晚，我用左一個好好嘅方法保暖呀；就係先瞓入睡袋，再冚上羽絨被，要將羽絨被攝哂落自己身體“擲”住佢喎，包到自己好似春卷咁！再開埋暖爐，咁就萬無一失啦!但起身屙夜尿就“呢hea"D囉!
另外呢，題外話啦，有D人呀成日話鍾意凍呀，熱好辛苦呀咁，但而家凍一凍啫，就一個二個三個咁病哂啦(我無話邊個，唔好對號入座喎），而我呢，雖然超怕凍，又成日覺得喺作病嘅邊緣，但係而家都仲撐得住，雖然呢幾日，日日都係瞓得5粒鐘，以我呢個需要凍眠嘅嚟講真係超辛苦，但係要搵食，無計啦!
大爺youtuber
11 hours ago
.JPG)
18 意見:
一群群動物無故集體死亡，好驚呀!世界末日呀!
咦？呢篇同平時完全唔同風格喎...
你講嗰個「春卷冚被法」我都有用呀，真係好得！
另外推介多兩個令被竇更暖嘅方法：
1.臨瞓前用風筒向被內吹兩下(唔駛多，真係兩三下就夠)，秘訣係留住暖風喺被竇。如果嫌麻煩的話，用口「荷」兩口暖氣出嚟都得。
2.盡量著少D衫瞓，令體溫更加能夠喺被竇入面散發出嚟。好多人會著好多衫瞓，以為咁樣先暖，其實啱啱相反，咁樣先至唔暖，而且，瞓緊都著咁多衫，起身點算？結果就係越著越多，但係個人就越嚟越唔暖。
我鍾意凍呀，哈哈！依幾日我覺得冬天真係黎左，尋晚先攞冬天衫出黎，瞓覺仲係襟冷氣被，不過打孖上，因為懶，唔想入被芯。
天災、人禍，我都覺得世界末日好快到！
令自已身體好d都會冇咁怕凍。血氣運行得好d，成個人都暖粒粒d啦：）
你呢篇係咪第一篇冇相呢?
我本身鍾意涼快嘅天氣,但我又鍾意夏天走去曬太陽果隻,係咪好矛盾?
我都係就咁著件背心走入被度,好快暖,如果真係好凍,最多都係加對鬆鬆地嘅襪訓就算lu
你講果隻多重保暖方法,屙夜尿還好,如果超級肚痛果隻,我怕懶...c...
卡臣:
無得驚，硬食
black lab：
我都係著多衫架，以前試過著少D，一除衫就流BT，瞓唔到
supageti：
你冷病我會笑囉，哼
Ebenezer：
已經好過前幾年架啦
l.minor:
梗係唔係第一篇無相啦
噚晚腳抽筋，拉唔番隻腳出嚟
我不知幾精神呀！哼！
其實依家冬天的確係無以前咁凍，唔係講笑。
black lab:
1.臨瞓前用風筒向被內吹兩下
呢招真係要用，第一下入被堆真係好凍
2.盡量著少D衫瞓
咁使唔使完全唔著(裸睡)？？
瞓入睡袋-->冚上羽絨被 -->將羽絨被攝哂 -->開埋暖爐...
嘩!大叔你真係勁怕凍喎...我好怕凍都無你咁誇張...
我都有保暖方法:臨前用好熱嘅水浸腳, 浸到你覺得D水唔熱, 之後馬上飛上床, 掂呀~
Supagati:
哼
Tat:
咁要買個勁d嘅風筒先得
Ayclui:
我瞓覺要好暖架
咁怕凍，典解唔用電氈呢？
德國製嘅電氈品質唔錯架喎~~
Maymay:
我無錢錢
你凍到打錯名呀 ~~~ 哈哈 ~~~
電毡好呀，有一年我身子唔好瞓極都唔暖都係靠佢先過到冬（我都係買德國貨，晌永安買既）。之後身子好左唔再需要佢，就送左畀阿爹阿娘，佢地都話正呀。
計我話你快啲調理好個身子仲好啦。
Supageti:
玩緊朋友部ipad,未慣，所以錯哂字，唔闗凍凍事
你叫好身子？我好過你啦
起碼我唔怕凍o額！
我夠唔怕熱咯
Post a Comment