馬交趣聞

經過噚日4號嘅經驗(教訓），今日除左羽絨，加埋頸巾同雪褲，哼！無有怕～

今日換左拍檔，佢係食家，一早就帶我去食好野呀
嗌左杯熱奶茶暖下身先，睇下，要自己沖架，幾好玩；唔。。。好滑呀～～
隔離枱個C奶同女老闆講：我自己沖呢，沖唔出絲𧙕奶茶味嘅？
我細聲講：你都無用絲𧙕嚟沖，梗係無絲𧙕味啦!
食家柏檔：咪係，除出嚟沖吖嘛！


食左豬扒麵，塊豬扒好大塊(無相），食完追加左一個腿蛋餐包(無相），呢個就真係要推介啦，好好食呀!食家話佢個牛肉蛋餐包仲正喎，下次試

跟住再再追加呢碟野，比你地估下係乜嚟嘅？要點咖喱食架；（聽日開估）


個地址喺呢度，自己搵。。。。
DO座？DO乜呢？


見內地同胞買野真係好開心架，一個呢，買左個8両嘅金觀音，盛惠13萬幾，比cash的

﹣﹣﹣﹣﹣﹣﹣﹣﹣﹣﹣﹣
另一個一入嚟，見個女sales同個資深sales講：你個熟客嚟左
個客一入嚟就大爺咁坐喺度，食住煙咁話：要D兩卡以上嘅剩鑽(無鑲工）
資深sales竟然話：賣哂，而家無貨呀？
而佢竟然又話：又無？又要再嚟過？
（買哂呀，無貨呀，驚未？）
﹣﹣﹣﹣﹣﹣﹣﹣﹣﹣﹣﹣
做左幾日，我地嘅價值觀開始改變。。。
拍檔話：想買鑽石鏈比老婆
我隨口就答：買條三卡比佢啦
嚇到佢O咀
跟住我見有隻金兔幾靚，佢話：$128000啫，好平呀呢隻
我仲好自然咁講，係喎，呢隻抵呀～
﹣﹣﹣﹣﹣﹣﹣﹣﹣﹣﹣﹣﹣

工作超順利，兩點半完工，yeah!完飯買手信，經過呢度。。。
哇!有無再肉酸D嘅聖誕裝飾呢？