馬坑公園。廢談

噚日講到去赤柱，去到已經黃昏


今次嚟嘅主要目的係馬坑公園；馬坑喎，一聽就知係馬桶嘅兄弟啦，點可以唔嚟


去到至發覺原來幾年前嚟過，只係而家執靚左。。。
無乜野睇，最正係呢個。。。古井；要淘就要快手啦


見路牌有個山頂觀賞亭，去啦，行幾百級，只係為左呢個景


觀賞亭有廁所，但呢個係男定女廁呢？個標誌應該係比半男半女嘅去架喎～


仲有路上，又行多二百級，竟然有健身器材，邊個會行幾百級上嚟玩呀？係咪咁嘥納稅人錢呀？唔好話我聽咁樣係支持香港運動員呀!


再睇下，原來三部健身機功能唔同架，呢部係。。。“上身的熱身運動”；哈哈，行幾百級上嚟，仲要熱身？


第二部。。。下肢的熱身運動；咦，下肢嘅運動？係咪諗多左呢？


第三部。。。下身的伸展；啋！太露骨啦