＊食品多選擇，想鋸扒得，想炒碟星洲炒米又得，扮減肥，齋食碟沙律都得
＊侍應送上嘅係熱茶（可以揀凍水），而唔係一杯唔凍唔熱，淡踎踎嘅洗筷子清茶
＊餐牌個晚／午餐唔啱食咩，可以揀主菜加$28變套餐
＊杯凍檬茶大大杯
＊佢搬左之後客都少左，變相靜左，環境好左
＊價錢唔貴，但係我覺得好食過幾百蚊一餐果D喎
＊最愛佢個羅宋湯，好濃好多菜
＊最愛佢個茄汁牛肉燴意粉，呢個我諗嚟五次佔左三次係食佢架，唔知點解架喎，癮嚟架喎
＊最愛佢個乾炒牛河，叫做少油乾身。。。寫嘅時候先發覺又係牛肉，其實個牛肉好味應該係主因
＊最愛最愛嘅係佢個克戟，好味到不得了，食完牛河都可以隊2/3個，落哂牛油糖漿，超級滿足呀～～
＊ 有無人想同我去食呢？
.JPG)
12 意見:
我幫趁過旺角那一間，唔錯
睇個樣個克戟又幾靚，真係咁厚架？
我呀！搬咗之後都未去過~
南亞有幾多間?我淨係見過禮頓道果間,不過就未幫襯過
好耐無幫襯過啦~~ 我唔食牛, 咁仲有咩好介紹?!
南亞有幾多間 x 2
我都鍾意餐廳flexible D, 可以自己 mix & match~
我都報名先，係抽獎活動嚟o架?
Groupon 冇佢份,可以睇下抵ng抵買~
你有人陪，
洗乜搵我地呀。
大叔，就依間啦！
卡臣：旺角有咩？我唔知㖭
Cat：堅厚呀，一定要食呀
大頭：咁要去啦：）
l.minor：禮頓道搬左啦，貴租迫左去鵝頸橋附近，要上二樓；以前美孚有間，唔知而家仲有無
TY：mmm...朋友話海南雞飯，火腿燴意都唔錯，唔好以為好basic，真係好味架
ayclui：我都唔知佢有幾多間喎，佢餐紙無寫有分店架其實
Tee：你喺香港咩？
Anonymous：都唔貴，唔使啦
新鮮人：成日有人陪架咩
馬田亨：今次返嚟幾耐呀？
哩間好嘢！
Post a Comment