Tuesday, January 15, 2013

貓國旅行﹣病貓

隨身會帶住相機,出外工作/逛街時,我會偷時間後巷行個圈,影佢地嘅足跡。。。 

儲埋一大堆,部份覺得影得唔錯,整理分組一下,逐批逐批放上嚟,希望大家對佢地多D認識,感受到佢地嘅生活,比多D愛心佢地

今日嘅主題係。。。病貓 

1/上環搵景嘅時候見到佢,無左一隻眼,咀歪左,應該牙痛吧,但依然有一份大家姐嘅氣場 

2/南區嘅貓,見過佢幾次,呢張係幾個月前影嘅,病到落哂形;聽朋友講,最近都無見過佢啦  

3/西營盤嘅街貓,病到瘦哂兼伸脷  

4/都係西營盤,前排比偷貓賊連環偷貓嘅地方,佢都唔見左,唔知係病死定係比人捉左;如果病到咁D人都捉佢嚟食,真係疚由自取  

5/茶果嶺,見佢D毛鬆起哂,似有病,但餵佢又有胃口喎,希望你只係污糟啦  

呢篇負能量好似好大,其實係想喚醒大家對弱小動物多D包容,做街貓已經好慘,而我地其實好幸福架啦,唔好再踏多腳要佢地受無謂嘅痛苦,OKAY?

19 意見:

Anonymous said...

講得無錯,有幾多真係
可以好似達達咁好彩。。。
扁咀。。。=3=



邪留丸~

Denise said...

見到D貓仔病到咁覺得好心痛...話說,我住GE紐西蘭係無流浪貓ga,反而係d人放養自己ge家貓,玩到餓就返屋企食/訓,有自己貓門入屋...希望有一日香港都可以無流浪貓(唔係被捉晒去,而係個個都善待動物,領養,唔遺棄同做好絕育).

largeheadboy said...

大家都係搵餐晏仔
何苦逼得佢地無好日子過哩~

l.minor said...

呢篇堅呀!十分認同~

有幾多真係
可以好似達達咁好彩。。。x2

naruto said...

邪小姐:
大家出多分力,佢地就有好日子過架啦

denise:香港,表面先進,但係好多人嘅思維其實好落後

大頭:係架,就係講呢樣野囉

l.minor:都係時候比返D時間寫blog啦:)

TY said...

唔知幾時香港人對小動物既心至會轉變過黎... 唉~~

Anonymous said...

我既情況有的唔同:因為一大班貓友及街坊(包括我)晚晚去餵貓, 的貓肥得滯兼且唔怕人, 結果吸引左的大陸人落黎捉......

江湖散人

ayclui said...

睇完個心唔舒服...D 街貓病真係好慘...我有咩可以幫到手呢?

Cat said...

唔好講話幫手照顧,唔去騷擾流浪小動物都好好啦!

ayclui said...

Cat: 你講得好啱, 我忽然諗起D 狗主放狗時一定要拖住條狗帶, D 狗成日嚇親D 貓... :(

naruto said...

TY:樂觀D,有我地嘛:)

江湖散人:西營盤咪又係,正仆街

ayclui:唔好唔舒服啦,生老病死係正常嘅,其實好多地方嘅貓義工都出錢出力幫D病貓,間中都需要酬集手術費,如想幫手,可以捐錢捐貓糧比佢地

naruto said...

cat:大家齊心D,多D人關心,相信會改善嘅

卡臣 said...

我最憎虐待小物啲人,無人性

naruto said...

卡臣:me too

Quincy Luk said...

再討厭任何動物都唔應該抹殺佢哋生存嘅權利...

ayclui said...

捐錢捐貓糧比佢地--> 好, 大叔請問我可以去邊度聯絡到貓義工呢?

chiseenjai said...

係呀!心up呀見到!><

naruto said...

quincy:有D人變態架

ayclui:我相熟嘅只會有需要先出聲,下次有需要我通知你啦,多謝先。。。

另外,意粉都有個相熟嘅義工要捐糧架,你可以問下佢

chiseenjai:唔好up,明天會更好

ayclui said...

唔該哂大叔, 有需要就去FB通知我,另外我會搵意粉問下~

Related Posts Plugin for WordPress, Blogger...