阿媽康復進度

十月尾跌親已經兩個多月，上星期開始用扶助架學行。。。 

原來比想像中康復得快，有架扶助下可以喺屋企行十幾個圈，物理治療師話無得懶，想行得好就要行多D。。。 

每星期阿媽會煲一次湯，要幫佢買料，買嘅係田雞，我呢，最怕就係去街市魚檔，仲有最怕就係揀D活勾勾嘅嘢，佢地就係面前一刀無命咁，但都要頂硬上，每次講完比阿姐聽，比低錢就走去買菜先，轉頭返去攞；但有次，佢一收完錢即起刀，一個田雞頭砍左出嚟，我呆左一秒唔識郁。。。

所以呢，我今日去左我個客度買左鹿筋，作用會更好，兼我都可以飲呀～ 

一星期陪阿媽去戴麟趾康復中心一次，話就一個鐘，由出門口到阿媽屋企食D野，再出發去戴麟趾，做完返老家，再返西環，咁就無左半日，時間好唔見使 

月尾要再去瑪麗覆診，相信會越嚟越輕鬆架啦～