藥後寫blog

藥後除左唔好駕駛，原來連blog都應該唔好寫。。。 

噚日講電訊盈科，寫漏左最重要嘅結局，但我明明覺得我寫左架喎，既然係咁，今晚繼續寫埋佢。。。 

上星期五，收到收費單，收$4xx，我眼都突埋，寫住收新一期賬單喎，但收果個都唔知係乜價喎，亂嚟喎，同埋我cut左架啦喎 

我打電話去，襟完廣東話係1，之後襟極都搵唔到有接線員聽嘅，終於唯有接去維修果邊幫我接過去，聽左5分鐘優美嘅電話音樂之後，先有人聽。。。 

佢嘅答案係。。。係喎，完左合約喎，你唔使理呢張單架，唔使交就得架啦 

我：自動轉賬架喎，咁你地有無入左數呢

佢：真係入左呀，但唔緊要，我地會喺30日後將呢筆款項過返比你 

我：（有氣無力）。。。。。 

D公司係咪要博大霧成咁呢？其間唔知有幾多矇丙／長者比佢地老呃一舊呀，＠＃﹪﹠＊＄＠～